أوضح الإعلامي عمرو الليثي، في مداخلة هاتفية لبرنامج «آخر النهار»، مساء الإثنين، حقيقة هجومه على ريهام سعيد، من خلال تجربة «الصوديوم».
وقال «الليثي»، مخاطبًا ريهام سعيد: «تجربة الصوديوم، حلقة منذ شهر، كنت عامل مجموعة حلقات في بوضوح، وكان فيه فيلا في الهرم بها حرائق وأخدت مجموعة مشايخ راحوا يشوفوا المكان، وعملنا رقية شرعية، وجالي تليفون اتقالي إن مفيش جن هنا».
وأضاف عمرو الليثي، أن ريهام سعيد «مسخرة نفسها لخدمة الناس، وسعيد بيها وعملها الخيري، وما يحدث في صبايا الخير مهم جدا، لأن المجتمع يعاني من الفقر ومشاكل اجتماعية كتيرة جدا».
وتابع: «أولًا عارف ريهام كويس منذ سنوات طويلة عندها حسن نية، وكرمتها السنة اللي فاتت وعارف إنها حريصة على العمل الخيري، وبتعمل خير بجد، لا أشجع الهجوم على ريهام، لمجرد إنها عملت تجربة إيجابية، وهيا فعلا بتساعد الناس»، مؤكدا: «طلبت منها كثيرا الاشتراك معي في عمل خيري، أنا شايف صبايا الخير برنامج يسعى للخير وبيعمل خير بجد».