هى: لما يقول كلام حب تركب على كتافه وتشب...
هو: لما يكون كلامه كدب صوته يعلى ويشخط ويسب...
هى: لما تكون جميلة الكلمة فى البيت هى كلمتها...
هو: لما يكون عايق ومتضايق يبص ويعاكس صحبتها...
هى: لما تكون بتشتغل تنشف دماغها ومش أى كلام تسمعه...
هو: لما يكون طيب وغلبان يقل فى نظرها وممكن تخلعه...
هى: لما تسكن جنب أمها تروح وتيجى عليها يوماتى...
هو: لما يكون وحدانى يتكلم معاها بصوت واطى...
هى: لما تعيش فى بيت عيلة عايزة تحس بحريتها...
هو: لما يكون ابن امه يرجع عليها ويسود عيشتها...
هى: لما تعزم أهلها على الغدا تعمل ليهم وليمة...
هو: لما يعزم أهله تطلع على السفرة جبنة قديمة...
هى: لما تغسل هدومه مخصوص عشان تقلب جيوبه...
هو: لما يكون معاه فلوس متقولش للناس عيوبه...
هى: لما تفكر تقول يا حبيبى يبقى عايزه تشترى فستان...
هو: لما يفكر يقول يا حبيبتى يبقى راقد فى السرير عيان
سليم نقولا - القاهرة الجديدة