يطل المتسابقون المصريون الثلاثة، محمد رشاد وإيناس عز الدين ومحمد حسن، السبت، في الحفل الأخير لبرنامج اكتشاف المواهب الغنائية «أرب أيدول».
وقالت المتسابقة إيناس عز الدين: «انتظروا إطلاتنا خلال ساعات جميعا، وباﻷخص أنا وأوﻻد بلدي محمد حسن ومحمد رشاد».
وأضافت: «كنا نتمنى بجد أخونا مؤمن خليل الصوت المصري الجميل اللي ما أخدش حقه في البرنامج بس أخد نصيبه من قلوبكم يكون معانا، لكن للأسف عنده ظروف منعته من القدوم إلى لبنان ولكن الظروف لم تمنعه من تكملة مشواره اللي بإذن الله حيكون حافل بالنجاحات».
وتابعت: «بكرة اﻷحد إن شاء الله هنرجع بلدنا وإحنا عاملين اللي علينا وزيادة الحمد لله ومشرفين بلدنا بأخلاقنا وباجتهادنا وبفننا، ويارب نكون سبب في ارتقاء الفن في مصر يارب، ومعمول علشاننا استقبال في مطار القاهرة الساعة 10 صباحا صالة 3، وباﻷخص لمحمد رشاد ﻷنه أول مرة هيرجع مصر بعد البرنامج، وبعد نجاحه الكبير وده هيكون رجوع جماعي ﻵخر 3 مصريين وصلوا الحمد لله بفضل الله ثم بفضلكم لمراحل متقدمة من البرنامج ووصلوا صوتهم للعالم كله».
واستكملت: «عارفة أن المصريين كانوا بيتمنوا إن اللقب يكون مصري ويكون لحد فينا، لكن أرجع وأقولكم إحنا أخدنا أجمل لقب وهو حبكم أنتم، اللقب مش هو المهم المهم تكونوا معانا وتساندونا في اللي جاي علشان نستمر ونكمل المشوار، احنا بنغني علشانكم إنتم».