أنا رايح المدرسة يا بابا ودعنى.. ادعيلى بالسلامة ربنا يرجعنى .. أنا خايف ومش حاسس بالأمان.. أنا خارج واخد معايا أكفان .. وكاتب اسمى على مريلتى وشنطتى.. علشان يا بابا تتعرف على جثتى!.. ممكن أموت محروق فى الطريق.. أو أقع فى الترعة وأموت غريق.. أو حادثة تحصل فى أى مكان.. أو قطر يدهسنى فى مزلقان.. وكاتب اسمى على كتابى وكراسى.. يمكن باب المدرسة يقع على راسى.. وأدواتى خليهم لأخويا الصغير.. يمكن الزمن يتعدل والحال يتغير.. وعلق صورتى وأنـــا واقف مع الأطفال.. واكتب تحتها ابنى... شهيد الإهمال!!
سليم نقولا- القاهرة الجديدة