قال الإعلامي إبراهيم عيسى، إنه «للأسف لسه عندنا المعارضة بتعارض النظام بطريقة إنه نظام قدري لازم يكون مستبد وديكتاتور وحكمه أبدي مش هيمشي أبدا، ولسه عندنا المؤيدين بيؤيدوا بطريقة الدبة اللي قتلت صاحبها، وطريقة الطبل والزمر، مش زي مثلا المجتمع الأمريكي اللي بيهاجم أوباما هناك مبيبقاش بطل، واللي بيؤيده محدش بيشتمه، لإنه مجتمع صحي مش أهبل ومتخلف زي اللي عندنا».
وأضاف «عيسى»، في برنامجه «25\30»، على قناة «أون تي في»، مساء الأحد: «هو إحنا مينفعش نبقه طبيعيين؟ عملنا ثورة علشان نعرف نأيد ونعارض براحتنا، لكن ده محصلش على أرض الواقع، هنفضل لحد امتى متشنجين؟ احنا شعب عنده نخبة متحنطة وشبابنا متحنطين، مفيش حاجة بتتغير، يبقه بلاها ثورة 25 يناير، وبلاها ثورة 30 يونيو».