قالت الإعلامية لميس الحديدي تعليقا على انخفاض الاحتياطي النقدي مليار دولار، «الاحتياطي النقدي المصري لم ينخفض مليارين ونصف دولار زي ما الإشاعات بتقول، الاحتياطي النقدي انخفض مليار دولار فقط، وده نتيجة التحسن الطفيف في السياحة، والتحسن الطفيف في الاستثمار، والمليار اللي أخدناه من الكويت، ده غير ارتفاع عائدات قناة السويس».
وأضافت «الحديدي»، في برنامجها «هنا العاصمة» مساء الأحد: «الانخفاض ده نتيجة إننا بعتنا لقطر فلوسها اللي كانت عندنا، وناقص قسط واحد هنرده في معاده، شكرا يا قطر، مش عاوزين فلوسكوا ومش عاوزين ودايعكوا، ولا عاوزينكوا تستثمروا عندنا، احنا الاقتصاد بتاعنا كويس وهيقف من غيركوا، ومتأثرناش لما إديناكوا فلوسكوا، وهقولها تاني شكرا يا قطر».