قال الإعلامي تامر أمين موجهّا حديثه إلى الرئيس عبدالفتاح السيسي، «يا سيسي ادخل الحرب، أنا عارف إنك مش عاوز تبدأ فترة حكمك بمشاكل، لكن احنا اللي بنقولك، الشعب هو اللي بيحرضك على الحرب، حارب يا سيسي، حارب المافيا والعصابات والناس اللي مش عاوزه مصر تهدى، الناس أصحاب المصالح وأصحاب مراكز القوى، وانت عارفهم بالاسم، وأمن الدولة عارفاهم بالاسم»
وأضاف «أمين»، في برنامجه «من الآخر» على قناة «روتانا مصرية»، مساء الأحد: «أنا عارف إنك مستني طاقة الخير الموجودة جواهم تطلع، لكن هما معندهومش غير طاقة القدر اللي اتفتحتلهم جنبك، هما عاوزين يجيبوك علشان تبقه في صفهم، بس انت للأسف مبتجيش، انت مش زي حسني مبارك، وجمال مبارك وأحمد عز، حاسبهم يا سيسي وابدأ حرب التطهير وإحنا معاك».
ودعا أمين الجمهور لأن يشاركه بآرائه قائلا: «أنا عاوز من الجمهور كله يبعتلي رسايل يقولي عاوز السيسي يبدأ بمين؟ بس لما نفتح المكالمات محدش يقول أسماء فاسدين على الهوا علشان منروحش في داهية، ابعتولي رسايل بأسماء الناس علشان نعرف الشعب عارف الفاسدين ولا لا؟».