انتقد الإعلامي تامر أمين، تصريحات الفنانة سلوى خطاب، في برنامج «كلام تاني» على قناة «دريم 2» والذي قالت فيها إن «السينما باظت من ساعة ما بطلوا بوس»، حسب قولها.
وقال «أمين» في برنامجه «من الآخر» على قناة «روتانا مصرية»، السبت، «سكر..سكر.. محتاجين تعقيب، محتاجني أتكلم.. هي قالت في الأول والمذيعة قعدت تضحك معاها.. وأنا قلت أنها هترد عليها هتقولها إيه اللي بتقوليه ده.. فالمهم رجعتها في الكلام تاني فقلت بقى هتاخذ بالها».
وأضاف «أمين»: «قالت لأ ده إحنا كنا بنتعلم المشاعر ومش عارف إيه وبتاع دحنا كنا بنتباس والسينما المصرية كلها بوس، قالت كده باللفظ.. ومش صغيرة سلوى عشان تقول الكلمتين دول.. طب لو واحدة شابة 18 أو 19 سنة ونقول لسه رحلة الدنيا واخداها ومش عارف إيه.. سلوى فنانة كبيرة بس بالكلمتين دول كبيرة في السن مش كبيرة في التاريخ الفني.. فيلم الساحر بالذات.. أنا بعمل كده عشان جالي هوس».
كانت «خطاب»، قالت أثناء استضافتها في برنامج «كلام تاني» على قناة «دريم 2» والذي تقدمه الإعلامية رشا نبيل، الخميس، «السينما باظت من ساعة ما بطلوا بوس..المجتمع كله يعني إحنا كنا بنتعلم المشاعر.. مش كنا بنتعلم المشاعر من الناس يقولها أنت عنيك وبتاع وبنمشي طول الليل وفاهمة إزاي المشاعر الحلوة ديه» لترد عليها «نبيل» «فاتن حمامة كان عندها مشاعر جامدة أوي بس مكنتش مسألة القبلات ديه واضحة بالشكل ده».