قال الإعلامي يوسف الحسيني تعليقا على انتقاد الإعلامي إبراهيم عيسى لقرار الرئيس عبدالفتاح السيسي بتجريم إهانة ثورتيّ 25 يناير و30 يونيو إنه قرار فادح فاضح لأنه ضد حرية الصحافة، «يا أستاذ ابراهيم عيسى عاوزين الشعب يهدى شوية، شعبنا مبيقراش، وبيتفرج كل يوم على التليفزيون 6 ساعات، وبياخد كل أخباره منه، مش عاوزين نشتته أكتر من كده».
وأضاف في برنامجه «السادة المحترمون» مساء الأربعاء، «أنا معاك يا أستاذي إننا مش هنحوّل الثورة لصنم نعبده، لكن مينفعش الشعب يفتح التليفزيون يلاقي ناس بتقول على الثورة إنها نكسة، وناس بتقول عليها إنها انقلاب، وناس بتقول عليها إنها حاجة جميلة جدا، الشعب ده هيفكر إزاي بالبرلمان اللي جاي وهينتخب إزاي ؟ لازم نحاول نرتّب أولوياته، وأنا عارف إنك هتختلف معايا، لكن احنا محتاجين للقرار ده، محتاجيين للتمييز الإيجابي».