قالت عايدة سعودي مذيعة «راديو هيتس»، التي تم وقفها عن العمل بالإذاعة وإنهاء إعارتها من اتحاد الإذاعة والتلفزيون «ماسبيرو»، في أخر حلقة لها بالبرنامج، التي تسببت في القرار: «مش عارفة أقول إيه، وبالطبع هانسمع مزيكا وهانبعت رسائل، لأننا قناة تريفيهية من الدرجة الأولى، لكن لا ينفي إن إحنا نقول كلمتين من الدرجة الأولى باردوا، وطبعا احنا عارفين مقولة لا تعليق على أحكام القضاء، حافظينها عن ظهر قلب وبنحترمها ومصدقين فيها لكن أنا عندي شوية أسئلة».
وتساءلت : «لما يبقى فيه احتفال بحكم براءة مبارك ده يعتبر تعليق ولا ما يعتبرش تعليق، ولا هو عادي ولا مش عادي ولو هو عادي يبقى إحساس الحزن والقهر هو كمان عادي مش هاعلق على الحكم لكن من حقي كمواطنة ومذيعة في إعلام الدولة إني كمان أحس بالألم بالحكم ده والشباب اللي راح فدى أفكار حلوة وأحس بالقهر من الاحتفال بالبراءة».
وقالت: «قتل المتظاهرين ده مكنش في بلد تانية ده كان متسجل وموجود على الفيديوهات واتنشر في التلفزيونات كمان، الخرطوش موت أصحابنا مش ناس سمعنا عنها، ممكن نزيف العقول لكن تزييف الأيام اللي عشناه حاجة تانية أنا مش فاهماها، لو التظاهر ممنوع بحكم نظام جه بالتظاهر يبقى التظاهر كمان ممنوع لكل المؤيدين».