قال الإعلامي إبراهيم عيسى في برنامجه «25\30»، مساء الأحد، «إن ما يحدث الآن من ردود أفعال على الحكم ببراءة الرئيس الأسبق محمد حسني مبارك سيتسبب في ضياع مصر.
وأضاف: «إحنا كإننا بنشجع مطش كورة، الخسران زعلان فيهيج، والكسبان يحتفل، مش بنتكلم عن مستقبل بلد وأحكام قضاء لازم نحترمها، الشباب اللي زعلان ومضايق والشباب اللي بيحتفل، الاتنين هيضيعوا مصر».
وأضاف: «انتوا عملتوا الثورة في 25 يناير قبل ما مبارك يقتل حد، هدف الثورة كان إن مبارك يمشي ومشي، يعني الثورة نجحت، لكن هو مقتلش حد يبقه عاوزين تحطوه ليه كبش فدا؟، ده حقه إنه يطلع براءة، بلاش الغل ده، متسمعوش أي كلام وترددوه، لإنكوا إذا مشغلتوش دماغكوا مش هتفرقكوا حاجة عن الإخوان الخرفان، اللي بيحصل دلوقتي هو الخرفان في مواجهة البغبغانات، واللي عاوز يعرف الحقيقة ومين اللي قتل المتظاهرين لازم يشغل مخه».