يا ترى إحنا زى قُرود جبَلاية تتخانق بِسبب وبْدونه على مَوارِدهْم؟.. من غِير تَفكِير ولا نِظام ولا دِراية إنهم بَس عَبِيد لِأسوأ غَرايِزهم.. مُجتمَع هَرَمِى الأَقوى دَايـما لِلأضْـعَف أَطـوَل أَنيابُه كَاشفيِنهم.. يكْسَروا عِينهم ويِـذِلوا فِيهم بِغير سَـبَبَ ويهدِّموا فى عَزايِمهم.. جبارين لو اتمكنُوا، والشّمَاتة والقَسوة على الآخَر قمّة مَآرِبهم.. أساتْذة فى إهانِة بَعضُهُم لِبعض وَخُبَراء فى تخدِيش كَرامِتهم.. الفَسَـاد والكـذب والنــفَاق والعُـنف بَــقَت أهــم آلَات صِـناعِتهم.. لا يهمُـهم دِيــن ولا عُــرف أو أخـلاق لو وِقـفت ضـد مَصالِحهم.. ضَـيَّـعوا دِيـنهُم الأَصْـل ورَكـزوا بَـــس فِـى خُـرافات مَشَـايِخهم.. بِـيـنـفـثُـوا فَتـاوى تضَيَّـع دُنيـا وآخـرة وتَسهّل تِكرار مَـساوِئهم.. أُرزقـية ونصَّـابـين بِيـأَلفـوا أَديـان جَـديدة لِإسْـعَاد جَمـاهِيرهم.. أراجُـوزات بِتْـهبّل وبـتُرقُـص عَـجِـين الفـلاحَة مِن أجْل ملايِنهم.. الـديـن بَـقَى.. تِـجَارة وبَـدل مـا يـكُون عَــقِـيـدة أَصـبَـح هَـوِيّـتـهم.. النّـاس بِـتِـتْـمَـنـظر بِـيِـه زَى ما يكون ماركَات مَلابـس يا خِـيبِتهم.. فـاهـمِـين إنُّـه نَـادى كَـالأهـلى بِـمُشـجّـعيه وأَصـوات شَتايِمهم.. الـدِّيـن لـو مَـا أَصْـلَح أَخـلَاق النـاس وَطَـور وحَسـن مُـعاملَاتهم يَـبـقى النًّـاس لازِم تِفـحـصْ فَـهـمَـها لمَعنى الأَديَـان ورسـالتهْم.. «إنما بُـعِـثْـتُ لِأتمم مَكارِم الأخْلاق» لازِم تِبقَى حلقَة فِى وِدَانهم.. لِلأسَف الكل فى مَصر بِـيـخرّب البَاقى وبِيسْرَق خِير أراضِيها.. أنـانى لا تِـهمُّه بَـلده ولا وطَنه بَس بِيْغَنّى بِهيام فِى حُب وادِيها.. الحُـب الحّـقيقى مِش كَلام مَعسُول وأَبيات شِـعر حِلوة نِشدِيها.. الحُب ذُو المعنى هو إِخْلاص وهِمة وعَمَل مُتواصِل دَؤوب ينَميها.. الحُب النقى معناه إيثَار وتخطيط وتَعاون وعَزيمة جَادة نِعطِيها.. الحُب الجد يِخلِينا نِنْسى نَفْسِنا شْوية علشان مَعَ بَعض نِبنيها.
دكتور. أحمد حسنى عمر سعد - سويسرا