علق الإعلامي عمرو أديب، على احتجاز الشيخ محمود شعبان، المعروف إعلاميًا بشيخ «هاتولي راجل»، أستاذ البلاغة بجامعة الأزهر، في أحد الجهات الأمنية بعد خروجه من مدينة الإنتاج الإعلامي، الأحد، قائلًا: «الزعيم شعبان هو وأصدقاؤه في قناة الحافظ كانوا بيعملوا محاكمة للمجتمع كل يوم، كانت أحلى أيام ليهم لأنهم شعروا أنهم آلهة، جه ربنا خسف بيهم الأرض 7 مرات، وجاي يقول أنه مش إخوان، جاك قصف عمرك».
وتابع «أديب»، خلال برنامجه «القاهرة اليوم»، على فضائية «اليوم»، مساء الإثنين: «ويسألوا إيه اللي كان مضايقك من نظام الإخوان، أنا آسف يعني كنت على قائمة الاغتيالات وكل ليلة واحد عايز يصلبني، وقالوا إن نجوى فؤاد كانت بترضعني، فهى حاجة من اثنين علشان تشهد.. يا كنت قاعد والست بترضعني، يا أنت كنت متجوز نجوى فؤاد، وتسألها كنتي فين تقولك كنت برضع عمرو أديب، طول عمرهم دمهم تقيل ورذلين وسخفاء، كانت أيام سودة داهية لا ترجعها».