علق الإعلامي عمرو أديب، على زواج الممثل الأمريكي، جورج كلوني، من المحامية البريطانية من أصل لبناني، أمل علم الدين، قائلًا: «ممكن بعد شهر يتطلقوا وتاخد نص فلوسه، دا عادي وطبيعي في أوروبا، وأكيد عاملة عقد جامد ما يخرش الميه، دي محامية».
وعن خاتم الخطوبة الذي قدمه «كلوني» لـ«علم الدين»، والذي وصل ثمنه لـ750 ألف دولار، بحسب وسائل الإعلام، قال «أديب»، خلال برنامجه «القاهرة اليوم»، على قناة «اليوم»، مساء الإثنين: «الخاتم 7 قيراط بـ750 ألف دولار زي ما أنتم شايفين كده زي الساندويتش، 7 قيراط يا ست يا رافعة رأس المرأة العربية».
وتابع: «لغاية دلوقتي مفيش صورة ليها بفستان الفرح، كانت لابسة فستان الفرح جوه وبعدين قلعته وطلعت للناس بالفستان دا، اللي لما بيتحرك لقدام أو لورا بيبين جمال عينيها»