«النور قطع» وأنا بحلق دقنى قدام المراية.. حلقت ناحية واحدة وقلت كفاية!.. «النور قطع»: قلت أغسل سنانى بهدوء ورواقة.. أتارينى غسلت سنانى بمعجون الحلاقة!.. «النور قطع»: فتحت باب الحمام أقضى فيه حاجة.. أتارينى فتحت يا إخواتى باب التلاجة!.. «النور قطع»: فتحت الدولاب وقلت أنا ونصيبى.. نزلت الشارع لابس بنطلون حريمى!.. «النور قطع»: طلعت قميص ألبسه من وسط حاجاتى.. أتارينى لبست بلوزة مراتى!.. «النور قطع»: مسكت شراب ألبسه متعود عليه.. طلع طويل وأتاريه شراب فيليه!.. «النور قطع»: قلت ألبس ساعتى وألحق مواعيدى.. لقيت نفسى لابس غويشة في إيدى!.. «النور جه»: الناس على قطع النور مش متعودة.. النور جه لقيت نفسى سيدة!
سليم نقولا- القاهرة الجديدة