معلش يا عيد أنا مش فرحان.. ولا قلبى سعيد بيك زى زمان.. ولا قادر أهنى أحباب وجيران.. ولا أفرح بيك وأخويا زعلان.. يمكن علشان فى طفل جعان.. وأبوه مظلوم خلف القضبان.. ولا كعك العيد داقه الغلبان.. ولا لبس جديد لبسه العريان.. ولا علشان أم الشجعان..
غزة بتتبهدل م العدوان.. ولا حد اتحرك م العربان.. اللى إلهى يعيشوا عميان.. ولا شفنا حقوق كده للإنسان.. لا مؤاخذة يا عيد زى الحيوان.. ولا شفنا مذيع فى فؤاده حنان.. غير عكش فظيع وأقرع شمتان.. ولا شفنا مشايخ فى رمضان.. تشجب وتدين صمت الأوطان.. معلش يا عيد أنا مش فرحان.. ولا قلبى سعيد بيك زى زمان.
عثمان بحور- الإسكندرية