زحموك قوى يا قطرنا والزحمة بزيادة.. وزادت الزحمة على الغلبانين وبيقولوا دى العادة.. كان زمان بيتسطح عليك عسكرى ببيادة.. دلوقتى بالبدلة والجرفتة والبرفان بزيادة.. أرجوكم أبوس إيدكم أرحمونا أيها السادة.. إنتو مش رسول ولا إله ولا فرض علينا ليكم العبادة.. نفسى نقول مرة رأينا يمكن نحس بسعادة.. مهو لو خرج القطر من على القضيب، مش هيفرق بين المؤهلات والعادة..
ورأينا بصراحة عيب قوى في بلدنا نتعدى على دور العبادة.. وبدل ما نشرب شربات الثورة، نفرق قهوة سادة.. وبدل ما نبنى ونعلى، نجرى وراء الجرحى من مستشفى لعيادة.. ولو كلنا مسلم ومسيحى نخلص لرب العباد، هنعرف إزاى تكون القيادة.. واعذرونى لأنى معرفش الدلع.. أنا مصرى شربت المر بزيادة!
إبراهيم عزت