فى إيه يا أمنا الغولة عديها خليها مقبولة.. إحنا خلاص فهمنا الفولة.. عايشين ف أزمة مهولة.. شايفة إيدينا المتكتفة.. ومحرومين سنين م الدفا.. والحق راح فين اختفى.. وصبحت إيدينا مشلولة.. وليه بنغرق ف الفتن.. وأبسط حقوقنا السكن.. من غير عدالة بيتركن.. معطلين ليه المكن..
وليه كترت علينا المحن.. والعدل بيبانه مقفولة.. خايف يفوت الأوان.. وألاقى ابنى مالوش مكان.. وبيصرخ ويقول جعان.. ونفسه يلاقى أربع حيطان.. ساكن جوا عنيه بركان.. نفسه يعيش زينا إنسان.. وانتى برضه المسؤولة!!
محمد عبدالفتاح بدر - القاهرة