يا رب جمع شملنا ورجعنا تانى إخوات.. رجعنا نحب بعضنا وننبذ الخلافات.. وزى ما كنا عايشين قبل تلات سنين.. لا فارقة معانا سياسة ولا انتماءات.. يا رب جمع شملنا ورجعلنا طيبتنا.. وحاجة ضاعت مننا اسمها إنسانيتنا.. يا رب رجعلنا الأمان وأهم منه كمان.. حاجة كانت موجودة زمان اسمها تربيتنا.. يا رب جمع شملنا ورجعلنا الابتسامة.. واحقن دمائنا كلنا لحد يوم القيامة.. يا رب اصلح حالنا مش عارف إيه جرالنا.. ورجعلنا مصر لحسن بجد وحشانة.. يا رب جمع شملنا واهدينا.. وخللى لنا مصر ولمصر خلينا.. يا رب خلينا نعمر نبنى ونخضر.. مش نهد ونكسر ف مصر بإيدينا!
رامى محمد زين