كله فى البرنامج مشروح.. التنمية من أسوان لمطروح.. للريف والحضر و الأعرابى اللى ساكن فوق السفوح.. والعدالة للقاعدة من الأساس للسطوح.. أنت أمام شعب طموح.. علاقته بالثورات كعلاقة الجسد بالروح.. الشعب حيبارك خطاك مطرح ما تروح.. إن كانت حرية التعبير والرأى الآخر مسموح.. أوصيك بالجولات الميدانية من غير ما تبوح.. خليك قريب من ابن البلد تلاقى وش صبوح.. فعبير الطيبة فى كل زقاق وحارة بيفوح.. انظر حولك ها هو عامل بناء ع السبعتاشر واقف ع اللوح.. ولو رحت مصنع تلاقى عامل مبتسم برغم إنه بنار الماكينة ملفوح.. ولو نزلت الريف أهل الكرم بدل الخروف تلاقى العجل مدبوح.. وخير الريف طول عمره لكل البلد ممنوح.. آن الأوان أن يكون الريفى عند أهل السلطان ممدوح.. نفسه يستقر فى بلده ويعيش وسط أهله بدل النزوح.. الشعب منتظر الكثير بقاله سنين كتيرة مجروح.. عنده أمل فى غد كله شفافية ووضوح.. من البداية ابنى للعدالة صروح.. وخلى صدرك لكل نقد بناء مفتوح.. أمنيتى ألا أرى دم أى مصرى على أرضنا مسفوح.
السيد عبدالكريم أحمد - هيئة الرقابة الدوائية