يحل المرشح الرئاسي، حمدين صباحي، مساء الخميس، ضيفًا على الإعلاميين يسري فودة وجمال فهمي وجابر القرموطي على قناة «أون تي في» في بث مشترك مع القناة الأولى والمصرية الفضائية، قبل فترة الصمت الانتخابي.
يمكنكم متابعة النص الكامل للحوار (لحظة بلحظة)
- يسري فودة يبدأ الحلقة وبعدها عرض تقرير عن السييرة الذاتية لصباحي.
- صباحي يدخل إلى الاستديو وسط تصفيق من الحاضرين.
- يسري يستعرض ملامح الحوار مع صباحي في حضور فهمي والقرموطي.
- يسري: كيف تشعر قبل الصمت الانتخابي.
- صباحي: نشعر بالأمل.. نفسنا بلدنا تبقى آمن مطمئنة يجمع إرادته ولن يتسامح الإرهاب لأن التسامح مع الإهراب خيانة للحرية، والتسامح مع الفساد خيانة لحق الناس في لقمة الشعب، لأن الفساد أنهك دولتنا ونخر دولتنا، ومفيش تسامح مع الاستبداد، لأنه اللي بيتسامح مع الاستبداد يخون العدل.
- يسري يسأل فهمي عن كلمة صباحي.
- فهمي: وزعتوا قد إيه من البرنامج.
- صباحي: وزعت على قد ما أقدر.
- فهمي: شايف دعاية المرشح المنافس عبدالفتاح السيسي كثيرة وهل هذا يعكس شئ.
- صباحي: كل مرشح يبقى له ناسه وفيه مرشح ناسه قادرين يعملوا دعايا ضخمة بملايين، وفيه مرشح له فقراء.
- يسري: هل هذا قدحا في المرشح الآخر.
- صباحي: لا.. كل حاجة تتم في المجتمع الفلوس لها دور، والفلوس مش كل حاجة، والأصوات طالعة بضمير واقتناع.
- فهمي: البرنامج قرأته عدا بعض الملاحظات لكن اراه متكامل.
- صباحي: أحييك على تحيتك لجهد اللي شاركوا في البرنامج، ومدين بالفضل لحملتي كلها، واتشرف أن جزء رئيسي منهم موجود معه النهارده وأحييهم على هذا الجهد المخلص، والبرنامج ده مش إحنا اللي اخترعنا أهدافه، وشعاره مصر هنقدر نبنيها من جديد وبيقول هنعمل عدالة اجتماعية وحرية بنظام ديمقراطي، وكرامة باستقلال وطني والشعب قال الكلام في 25 و30 في الميادين، والسياسات من إنتاج نخبة من الباحثين ولو ربنا شاء سنكون مسؤولين عن تطبيقه وإذا لم يحدث سنقدمه للمجتمع المصري وكل فكرة فيه تفيد مصر، ونقدمه لمصر وشعبها وأي رئيس.
- يسري: سنعرض مقتطف صوتي من المرشح رقم واحد عبدالفتاح السيسي.. وبعده سؤال من القرموطي.
مقطع يتحدث خلاله السيسي عن تمنيه وجود أكثر من منافس إلى جانب حمدين في الانتخابات.
- القرموطي: مكتوب عندنا 779 مقال عن الانتخابات الرئاسية من 10 مايو لـ22 مايو، منهم 404 عن المشير السيسي، و323 إشادة بالسيسي و54 نقد للسيسي، وكتب عن حضرتك 133 مقالا، و49 إشادة، والفرق بينكما 271 مقالا، نسبة النقد لحمدين صباحي تفوق نسبة الإشادة.. مجرد تسمع هذه الأرقام هل تتشاءم تتراجع تقول إيه اللي حطني في المأزق ده.. جيت ليه؟
- صباحي: فيه أمل عند الناس ومطمئن إن قلوب الناس ذكية، ولما تقول لي مقالات نقدي أكتر بتطمني وبتابعها ورجل صدري مفتوح للنقد، وربنا كتب نشيل هذا الأمانة أتمنى أن يظل هذا المعدل موجود، والقادرين على نقدي يلاقوا صحافة حرة واللي بيحبوا الإشادة بيا يا ريت تكون أقل.. ونتيجة المصريين في الخارج بحمد ربنا في نسبة مشاركة وبشكر اللي إدوني أصواتهم أو إدوا أصواتهم للمرشح المنافس.
- يسري يستعرض نتائج المصريين في الخارج بانتخابات الرئاسة.
- صباحي: مشاركة المصريين انتصار لـ30 يونيو، وفيه مشاكرة نتمنى تكون أكتر من كده، وهما مع كل ما يستحقوا من تقدير يعرفوا أن التصويت لا يؤثر على اتجاه التصويت هنا قياسا بالملايين هنا ويقول إن هذه المعركة مفتوحة الاحتمالات.
- القرموطي: هل وأنت صحفي في الأساس وعضو نقابة صحفيين مرشح لرئاسة الجمهورية تاني.. راضي عن التغطية الصحفية؟
- صباحي: النهارده قرأت في مانشيت الأهرام إنه ضد اللي أنا قلته، سألوني تقبل نائب رئيس او رئيس وزراء قلت لهم لا، وقلت لهم أن تحت خدمة البلد، عمري ما قبلت موقع بالتعيين ولكن بالانتخاب، وقالوا رئيس الوزراء ناجم عن انتخابات، وقلت ده موضوع تاني، وهندخل انتخابات المحليات والبرلمان، ولو الجزء اللي أنا فيه خد أغلبية واختارني رئيس وزراء فرأيي الشخصي إني مش أحسن واحد رئيس وزراء، ولما يجي مانشيت بهذه الطريقة، وأنا أحترم الأهرام وأنا أوضحت وبقولهم أرجو ان تصححوا ما تسببتم فيه من ضرر بالغ لآن المانشيت لا يليق بالمهنية.. وهل أقول لهم احرقوا النسخ.
- يسري يستعرض رسالة الماجستير الخاصة بصباحي في كلية الإعلام وتقرير عن لقاءات المرشحين الرئاسيين التليفزيونية
- صباحي: خدت فرصة أكتر من المرشح المنافس.
- يسري: تلتمس العذر للمرشح المنافس.
- صباحي: التمس له العذر لأن الظرف الأمني صعب، والتليفزيون بيقول تعالى واحضر مع الجمهور بيحضر والظرف ده غير متاح للمرشح المنافس، وأنت جبت إحصائية بلقاءات المرشح، وحضرتك تجيب مواد ساعات البث للمرشح المنافس سواء هو أو حملته أو الأغاني مقارنة بيا نفسي أسمع النتيجة.
- فهمي: عاوز أخرج برة التفاصيل.. إحساسك إن المعركة فيها حد أدنى من المساواة.
- صباحي: الأرجح مش هيكون عندنا تزوير وده تقديري، وأنا ماسك المعركة وانا ليا تقدير كعملية متكاملة، وتقديري الدولة مش هتبقى محايدة وأنا مصري متربي في البلد، وميراث الدولة أن أجهزة الدولة ومؤسساتها منحازة، ومش عايز الانحياز فج، وعلى المصريين يشاركوا ومايسبوش الملعب مفتوح، والميزة المرة دي بتجد فرصة للتصحيح، يعني لما أقيل أو استقال أحد المحافظين واستقال أنه موقفه متذاع، ومعظم المحافظين بيعملوا اللي عملوا محافظ الوادي الجديد بس ماتمسكوش.
- فهمي: توجد صورة فجة؟
- صباحي: مش فجة، ومش داخل معركة انتخابية مثالية، وأنا ابن البلد ودخلت انتخابات كانت الدولة منحازة ضدها ولسه دماء شهداء الانتخابات موجودة، والمناخ هيبقى ديمقراطي مش تبقى ورد ونترشح.
- فهمي: كل ما هنمشي..؟
- صباحي: هناخد حقوق أكتر، ماعندناش تزوير كما نتوقع والتأثير هيقل والنزاهة ستكتمل.
- يسري يستعرض الصفحة الأولى من الصحف القومية وموضوعاتها عن الانتخابات الرئاسية: معظم العناوين في الأهرام كانت تتحدث عن المرشح الرئاسي عبدالفتاح السيسي.
- القرموطي: عملنا إحصاء في الـ10 أيام الأولى كان فيه انحياز للسيسي في العملية الخبرية، وبعد كده المسألة متوزانة وبقى فيه توازن ملحوظ جدًا، وكان فيه حوار مع السيسي في الأهرام والأخبار ولما سألنا قالوا فيه حوار مع صباحي، ونرجع لمانشيت الأهرام أجبت إجابة دبلوماسية.. لو نجح السيسي وطلب منك رئاسة الحكومة.
- صباحي: سأشكره وساعتذر، وأنا لا أعين والعنوان جريمة سياسية.. ده عنوان.. في الحقيقة حكاية السياق أرفض أي عرض كنائب رئيس جمهورية أو رئيس وزراء، طيب تيجي رئيس وزراء من البرلمان ده موضوع تاني.
- يسري: إذا كنت تشعر بالجرح لماذا لا تقاضي الأهرام؟
- صباحي: أنا صحفي ومش ناوي أقاضاي حد وبعت رد للأهرام.. وقلت لهم الصياغة لا تعبر عني.. وأنا رجل مستقيم في أقوالي واللي بقوله للناس والصحافة والناس هو اللي بقوله في التليفزيون ويشرفني أن أخدم البلد العظيم بالموقع الذي انتخب له لا أعين فيه.
- يسري: في المصري اليوم الأستاذ محمد الأمين بيقولك لآ وعاوز يشتغل رئيس.
- فهمي: الزميل محمد أمين عمل نص كامل.. وقال إن ده عينة ضد حمدين.. ويسري يرد: شكرا للتوضيح.
- يسري: السيد حمدي رزق قال حمدين رجل أكل عيشه الانتخابات.. وفي جريدة الوطن محمود الكردوسي كتب حمدينك على حمدين ثورتك.
- صباحي: يحزنني أن كل دول واكلين عيش وملح معايا،و اللي بيقول محاكمة عمري ما قلت محاكمة السيسي، وجرائم الصحافة إن أقول كلام فيتحرف، وإيه القلوب اللي بتاخد الخطأ وتبني عليه.. طبعا فيه عفة للدخول في جدل معاه، والحمدلله ربنا عاطيني من الرضا والطمأنينة ضد الظلم.. وربنا يصلح حالهم.
- القرموطي: لو لم توفق في هذه الانتخابات هترشح نفسك في الانتخابات المقبلة؟
- صباحي: معتقدش ولكل حادث حديث، وناوي أكمل دوري وشيلنا مسؤولية هنفذه وربنا عافانا لحكمة هنكمله إما أنا رئيس منتخب أو معارض، وبالرنامج سيتحقق بينا أو بكل من يستطيع أن نقنعه في المعارضة بتحقيقه، وليس لدي ذرة شك في إن إحنا منتصرين أو الأسبوع أو بعده.
- القرموطي: هل مابتفكرش ترشح نفسك في مايو 2018؟
- صباحي: لا.. وإذا ما أخدنهاش بعد أسبوع هناخدها بعد أسبوع بشخص تاني لأنه مش مشروع فرد.
- القرموطي: مش هترشح نفسك تاني لرئاسة الجمهورية.
- صباحي: لا أنتوي ذلك.
- يسري: ماذا ستفعل بالإعلام؟
- صباحي: إعلام لن يكون تعبوي، والإعلام سيكون نبض الناس وصياغة وعي جماعي عبر وسائل إعلام مفتوحة للتنوع والتعدد ويبقى فيه 1000 وردة يطلوا من البستان، والحريات فيه مصانة بالمكاسب التي حققها الدستور الأخير وإعلام مستقل عن الدولة ويعكس قيم المصريين ومصالحهم، وثقل في قرار للإعلام مايكونش للرئيس والأمن، ويكون الاتجاه السائد للشارع لمصالح الناس وآرائه ويعكسها، وملكية الشعب لمؤسسات الإعلامية سواء الصحافة.. ويمكنها من أن تكون رابحة ولا تعطيها نفاقا في مقابل الدعم.
- يسري يخرج إلى فاصل: سنسعد بانضمام عدد كبير من أعضاء الحملة الرسيمة للمرشح حمدين صباحي بعد هذا الفاصل.
عودة بعد الفاصل ويسري يرحب بصباحي
- فهمي يتحدث عن أعضاء الفريق الانتخابي لصباحي ويسأل عن أزمة سد النهضة.
- حلمي شعراوي، أحد أعضاء فريق صباحي: أنا مقدر إنها مسألة لمن يضع سياسة خارجية، وتضوع في ظروف اتقال في ميدان التحرير حرية وكرامة إنسانية.. والمواطن كان بيقول ضيعتونا عن فترة مبارك، وتحتل القضية جزء من الكرامة، وقدرت السيد حمدين في الفترة الأخيرة بيقول أولى زياراتي للسودان وإثيبوبيا، وهذه مهمة جدا ونأمل ان تنتقل مصر من سياسة مائية لسياسة خارجية شاملة، وموضوع المياه مش موضوع عراك لكن موضوع تنمية مشتركة في حوض النيل، ومبادرة حوض النيل موضوع أهمل ضمن وضع مصر كلها، وهذا الاهتمام الجديد للسيد حمدين جزء من الهيئة العليا من مياه النيل، والحل اللي بيقدمه هو حل تفاضوي تنموي ونأمل أن نشارك في متطلبات التنمية في إثيوبيا وأشير إلى أن موضوع السد ليس بالمسائل الأسياسية ودي مسألة مكررة والسيد حمدين حال إعلانه رئيسا هتكون فيه مفوضية للنيل، وموضوع السد يدخل فيه مصالح مالية كبيرة والبنك الدولي مسؤول والصين والدول العربية، والخليج قريب جدا حوالي 20 مليار دولار استثمارات، والقدرة التفاوضية لمصر لازم تكون جزء من عملها العربي الأفريقي، وبنبحث مشكلة التنمية المشتركة، و80 مليار دولار في مشروعات الكونغو، وخلينا نقول إن الكونغو مستعدة تكون دولة حوض النيل، وبذلك لما يتقال إن الزيارة الأولى لإثيوبيا والسودان استحضار لهما، ولنا تراث كبير معاها، والمسأةل نملك فيها إمكانيات نفاذ، ولها مصالح مع مصر، وبالتالي نقدر نعمل تكامل حقيقي إزاء حيوية موقف مصر دون حديث عن صراع لأن إثيوبيا لابد أن تكون قادرة على التصور الصحيح.
- يسري يسأل صباحي بخصوص سد النهضة والفرق بينه وبين ما قاله المرشح الرئاسي السيسي.
- صباحي: الرئيس مسؤول عن الأمن وبيتحاسب على 3 حاجات، وبقول أزور السودان وإثيوبيا وأدعو لقمة لأسرة النيل وسيعرض عليهم اقتراح مصري لإقامة منظمة إقليمية لدول حوض النيل، وتكون ضامنة لحقوق كل دول حضو النيل على قاعدة لا ضرر ولا ضرار، وهنقول هنكون مسؤولين عن الطاقة والمياه، وهنربط الاتفاقية بسد النهضة وإجراءاته.
- فهمي: اتفاقية الإطار من أيام مبارك.. هل السودان يا أستاذ حلمي وقعت عليها.. وحملي يرد: لا.
- صباحي: رأينا أن اتفاقية الإطار ما لم تتضمن امان تام لمصر يبقى ينبغي استمرار الحوار مع أطراف هذه الاتفاقية وبنقدم حل كامل وبنقعد الرؤساء مع بعض وهنطرح حلول فيها ممنطق ومفيش طرف هيكسب على حساب التاني، واستخدمنا قوة مصر وقيمتها مع هذه الدولة وهنقدر نصل لنتيجة والموثوق فيه إن الدولة المصرية انسحبت جزئيا من دورها وحضورها في دول حوض النيل، وعاوز تحافظ على مصالحك ارجع أدي دورك.
- يسري: اسمحوا لي أن أمنح الفرصة لأبرز عدد من الملفات.. وسيعرض علينا السيد رائد سلامة رؤيته الاقتصادية.
- سلامة: أشكركم على إتاحة الفرصة، وأشكر السيد حمدين على مشاركتي في هذا البرنامج وأعضاء الحملة، والسؤال المبدئي اللي بيتسئل هنجيب فلوس منين.. لازم نبقى عارفين إحنا فين ووصلنا لكده إزاي.. من 40 سنة تم ربط الاقتصاد المصري بالاقتصاد العالمي وأصبحت مصر أول دولة تدخل العولمة وتستهلك أكثر مما تنتح ووصلنا لحالة مزرية نهاية عهد حسني مبارك، ووصلنا إلى عجز في الموازنة العامة وديون ضخمة، واحتياطي نقدي يتناقص بشكل متدهور وحاد، واللحظة اللي إحنا فيه أن يصل العجز لـ260 مليار جنيه، والدين الداخلي تريليون جنيه والخارجي 50 مليار دولار، والاحتياطي النقدي 17.4 مليار دولار، وهي مش فلوس سايلة، والحلول إحنا طارحين أكتر من حل، وربطينها بعمليات افنتاج بمعنى الاختلالات الهليكلية بندرس بنود الموازنة واقترحنا حلول للموازنة.. النقص بين الإيرادات والمصروفات هنحل المشكلة ببان البنك الدولي بيقول تخفيض المصروفات.. وأكبر المبالغ في علاج الموازنة هنلاقيها 55 مليار من الصناديق الخاصة، وضم النصاديق الخاصة لما سيتم توفيره، وقيمة العجز إذا افترضنا 260 ستستمر.. ويقاطعه فهمي: يعني في يوليو 2015 يبقى العجز نزل لـ137.
سلامة: وهكذا بالنسبة لـ24 شهر وفي نهاية الـ36 شهر مفروض نوصل 94.. مسأةل دعم الطاقة في موزانة الدولة في 30 يونيو وصل لـ100 مليار جنيه مصري، وقيمة الدعم 160 مليار جنيه، ولازم نحط مجهود في تحليل الـ100 مليار ونشوف المستفيد بهذا الرقم.. هل هو الإنسان المصري الفقير أم الأغنياء، وده اللي عملناه الـ100 مليار فيها جزئين جزء منها وهمي ابتدعه يوسف بطرس غالي ليربط قيمة إنتاجه بالأسعار العالمية.. النهارده بنستورد من الخارج 9 مليار دولار مشتقات بترولية، وبنبيعهم بـ25 مليار جنيه والفارق هو الدعم.
- يسري: وصلت لنا الفكرة لكن الوقت انتهى.
- سلامة: بنتكلم عن أرقام أكتر من كده بكتير وبنتكلم عن الفساد اللي فات أيام حسني مبارك، وبيع أراضي ببلاش مخصصة لرزاعة واتعمل عليها مباني بمليارات.
- يسري يستعرض إحصائية عن عدد العاملين في الدولة.
- صباحي: مش هرفد ولا واحد، وأي حد بيشتغل هنأمنه في أكل عيشه وهنزود مرتبه وهنعيد جدولة الأجور وفقا لحد الأدنى وكل المستشارين هنشكرهم ومش هيبقى لهم موقع عمل، وكل اللي فوق السيتن مش هيبقى لهم عمل، وشمروعنا تطوير وتحديد جهاز الدولة في مصر.. المشروع ده طموح جدًا.. وجزء منه قائم على إصلاح موازنة الدولة.. وأنا لا أدفع في الإصلاح الإداري إلا بتنمية المهارات ومشروعنا تطوير الحكم المحلي وتحديث قدراته وكفاءته وإعطاءه صلاحيات في اتجاه اللامركزية.. مفيش حد بيشتغل هيقعد في البيت.
- أحد أعضاء فريق صباحي يتحدث عن رؤيته الانتخابية للمشروعات الصغيرة.. وبعدها صباحي يتكلم عن الاستثمار: اللي واقع في هذا المجتمع لازم المجتمع يشيله.. ومحاربة الفقر معركة مقدسة ويتم ذلك بضمان عدالة التوزيع... وسنسعى لإضافة نصف مليون امرأة معيلة إلى برنامج الحماية الاجتماعية.
- فهمي: هل وارد خطة استثنائية لإنهاء محو الأمية.. ندي الجامعات إجازة لمدة سنة وكلنا نشترك في محو الأمية الأبجدية؟
- صباحي: غحنا جزء من أننا نصالح شباب الجامعة.. ما تيجوا يا شباب الجماعة نبقى مسؤولين عن إننا نمحي أمية أهلنا اللي بنحترمهم خلال سنة، وهعمل ده بالحوار مش بالقرار، وهعمله بالاتفاق عليه.
- يسري: سكون لنا وقفة مع التعليم وقبل ختام هذاه الفقرة.. سأعرض جانبًا من أسئلة الشعب لصباحي.. هل ستؤمم القطاع الخاص.
- صباحي: أنا هأمن أي مشروع واللي يفتح حق مشروع ويدفع ضريبة يشتغل زي ما هو.. لكن محاسيب وشلة فساد الحزب الوطني مش هوزع الأرض على دول.. هوزع الأرض على فلاح وشاب ماعندوش عمل.. لكن المليكة تبقى فيها توسيع لقاعدتها وهياخد قرض.. وعاوزين كل الناس تتغني وتتستر وتعيش في بيوت مستورة، وسنؤمن لون نؤمم كل مشروع خاص جاد، ولو وزعنا بالعدل هنعمل عدالة اجتماعية.. عصر جمال عبدالناصر أنجز إنجاز عظيم.. بس عشان الفقير يعيش بكرامة فكل الفقراء والأغنياء يشعروا بالعدل.
- فودة: شكرًا جزيلًا.. سأترك المرشح مع زميلي جمال فهمي.. ربنا يعينك.. وفهمي يرد ضاحكًا.
- فاصل
- عودة بعد الفاصل
- يسري فودة يعود ويعرض على صباحي أسئلة من «تويتر» عن مشروعه القومي.
- صباحي: المشروع القومي حلم الوطن.. ومشروعنا على قد مستوى مصر في التاريخ، وهي دولة حديثة قادرة على الإنتاج وتعيش بكرامة وسعادة.
- يسري: ربما يقصد مشروع تحدث عنه عبد الفتاح السيسي؟
- صباحي: الاسم الحقيقي للمشوع القومي إنه يحقق مطالب الناس في سيناء وشرق العوينات ومنخفض شرق القطارة، وعندنا مشروع الطاقة الشمسية وإزاي مصر تدخل لما هي منافس عظيم فيه، ومشروع للبترول وفلسفة جديدة للتعليم والدلتا محمية طبيعية تقدر تنتج طعامًا آمنًا للناس وترشيد مياه الري، وكل واحد يمكن تسميته مشروع قومي وكل هذه العناوين يصلح عليه ونعيش بحرية وكرامة وعدالة اجتماعية ونبقى سعداء في بلدنا ونقدر ننتج فيها.
- صباحي يتحدث عن الشباب: سيكونا الشريك في إدارة هذا البلد، وحجم الشباب والأقباط والمرأة والوزارة التي يشكلها الرئيسسكون حجم غير مسبوق، وتمكينهم بفرص عمل تقضي على البطالة والقدرة على إدخال صناعات للمعرفة وشباب مؤهل زي نموذج وادي السيلكون، وكل شاب يقدر يقول رأيه بحريته ولا تهان كرامته، ويفتح مستقبل الأمل لهؤلاء الشباب.
- راجي سامي أحد أعضاء فريق صباحي يتحدث عن ملف الطاقة: الأول نبص احتياجنا قد إيه عشان نبص لمعدلات النمو أيام أحمد نظيف، وده معناه إنه سنة 2020 بالضعف وده هينفع نكمل له بالضعف وماقدمناش غير الطاقة المتجددة، والشرق الأوسط هو أغلى منطقة، وبيمثلوا الإشعاعات التي تكفي طاقة في الشرق الأوسط كله والأكبر الاتحاد الوروبي بمقياس استهلاك 2005، ولو خدنا الخليج اللي فيه الشمس حامية مصر الأوى هي وليبيا والجزائر، وفيه دراسة نظرية لو البلد تنتج طاقة معينة واكبر حاجة عندنا الهيدروليكية.. ونتكلم لسه عن البطالة فالطاقات المتجددة وخاصة الشمية بتوفر عمالة أكتر.. ومصر من قبل مشكلة سد النهضة مصر معرضة لعجز مائي مرعب.. وإحنا لو قدرنا نستغل المياه الجوفية هنوصل لتحلية المياه، والطاقة الشمسية المركز بنقدر نحلي مية، والجميل، إن إحنا في الشرق أعلى إمكانية لتصنيع محطات الطاقة الشمسية والشركات المصرية قدرت تعمل 50% منها وبالإضافة لده فيه مصريين بيدرسوا للطاقة الشمسية قبل ما يتحولوا لعلماء يسيبوا مصر، ومعيار التكلفة فبيقولوا الفحم والغاز الطبيعي أرخص وبنبص نلاقي السعر اتبدى يقرب والطاقات التانية بتزيد وواقفة علينا بخسارة.. ومن 4 سنين كان السعر 21 سنت.. بالإضافة عندنا كذا عامل تاني.. وهي مصدر العملة الصعبة ولو هقدر أنتج طاقتي من الطاقة الشمسية بدل ما هعتمد عليهم.. وزي الفرص الأعلى إمكانية تحلية المياه وقلنا بسبب الإشكال في السويس بنتنتج 8%.. والعمالة المصرية كويسة ومازالت كثيفة.. وبالنسبة للتمويل فيه التمويل العام ومش دوري اتكلم منه وعندنا محطات المترو في مصر ول قلنا عاوزين ننتج طاقة نظيفة فمش هنبني برنامجنا على المنح والقروض.. والإشكالية بين وزارة البترول ووزارة الكهرباء والطاقة.. لما الإشكالية دي تتحل تفتح الباب للقطاع الخاص.
- صباحي يشكر راجح.
- يسري يدعو بهي الدين عرجون، مستشار إحدى اللجان في فريق صباحي، إلى الحديث عن الطاقة الشمسية: أنا واحد من المصريين أريد أن أستعمل الطاقة الشمسية لكن لا وفرة من حيث البنية الأساسية أو المادية.
- عرجون: هنصنع ونركب نصف مليون وحدة شمسية على المنازل والمباني والسياحة والحكومة بمعدل 500 من هذه الطاقة ستأتي من هذا البند، وصباحي يهدف لزيادة الطقاة القامئة في مصر وزايدة لـ16% وبالتالي ستختفي مشاكل انقطاع الكهرباء في فترة الـ18 لـ24 شهرًا و6% منهم من طاقة الرياح وإحنا بنستهدف إقامة 6% على سنتين ويتم استثمارها بالقطاع وخبر الثروة الجيد هناك شركة أسمنت لن أذكر اسمها أقامت مزرعة للرياح كجزء من مصادر الطاقة لها.. وهما نص مليون وحدة.. وهنعطي قرض وتكلفة والحافز أن الشريحة العليا اقترب من الطاقة الشمسية وسعر التعادل 70 قرشًا.. وإحنا تكنولوجيا هنكون الطاقة الرائدة
- حبيبة عز تتحدث عن التعليم والتوظيف: أي واحد بيضطر إنه يدفع فلوس للتعليم ومش بيلاقي وظائف.. والحل ربط الوظائف بالتعليم.. وربط المدرسة بالمصنع بالتعليم التعاوني والطالب يبقى عامل فني ماهر يلبي مهارات السوق.. ولايصح لبلد بحجم مصر 60% من الشعب يكون 51% من الشباب يصنف ضمن الفقراء وفي هذا الشأن نطرح فكرة التعليم التعاوني المزدوج، وتوظيف الطالب بشكل فوري بنسبة 85% لأنه فيه عمال بيتم توظيفهم في الشركات وبيكنو غير لائق بهما.. بحيث إن العامل المصري مايكسفش إنه معاه دبلوم، وشروط العمل اللائق نقدر نضمنها وحوافز زي مواصلات وشقق سكنية إيجارها منخفض وممكن نقدم حافز مادي.. وكما ممكن نقول ربط التدريب بالتشغيل وبرضه نقطة تانية هي الانتال من المدرسة للعمل أشك أن حد عنده علم بمكتب التوظيف علما إنه فيه ما يفوق 300 مكتب توظيف وبندعم تلك المكاتب بشكل مباشر يربط بين صاحب العمل ومكتب العمل وده بيسهل علينا الوظيفة والنقطة الثانية إن المدرسة تتدخل في توظيف الطالب ويتم إدراج الدليل المهني بحيث لما يتخرج مايتفاجئش إن ده له علاقة بالواقع.. وأنا عارف أنا هدرس إيه عشان أشتغل إيه.. ويبقى عنده سعة تدريبية ويدخل مركز التدريب ونديله فرصة ليتم تأهيله من جديد ويحصل على مؤهل بسيط المصانع نحتاجة له وعندنا امل إن الشباب المصري يقدر يعنمل أكتر وعندنا ثقة وأمل فيه.
- يسري يستطلع رأي علاء عبدالهادي، المشرف على البرنامج الانتخابي صباحي، ويعرض مقتطفًا صوتيًا للسيسي يتحدث خلاله عن التعليم.
- عبدالهادي: فيه اختلاف في الرؤية.. وف وجهة نظري أن التعليم هو البوابة الرئيسية وتكلم صباحي عن التعليم ما قبل الجامعي ورفض ميزانيته لـ4% والتعليم الجامعي لـ2% كما يقول الدستور، وفي التعليم اهتم بإزالة الفجوة بين التعليم العام والخاص.. وفيه مشروع لبناء 5 آلاف مدرسة سنويا.. و15% من التعليم توجه للأبنية ورفع مستوى المدرس.. ومجانية التعلمي خاصة وأنه أصبح إلزاميًا في الدستور.. وإعادة الأزهر منارة.. وإعادة تقويم نظام الجودة وإنشاء مكتبات علمية وفي تاريخ مصر الحديث أرى أنه أول مرة مرشح يهتم بمشروع ثقافي ليس بصفة الثقافة كاتب الإبداع ولكن الاهتمام بالمشروع القومي للثقافة بإعادة هيكلتها لأن الثقافة يجب أن يمتكلها الشعب.. والدول المتقدمة تصل إلى 20% والانتقال من الاستيراد المعرفي إلى التصدير المعرفي.. ويمكن أن يفيد أهمية المرسل إليه.
- يسري يستعرض تصريحًا لوزير المالية حول الميزانية.. ورؤية صباحي لتوفير الميزانية
- صباحي يرد بالحديث عن الصناديق الخاصة ويضيف: سيتم تثبيت العمالة المؤقتة، وإحنا بندي دعم للطاقة مايستحقش يروح للأغنياء والغني هنشيل من عنده الدعم وهنحافظ على دعم الفقراء وده كلام يعمله أي رئيس عنده إرادة والأهم الـ300 ألف اللي هننتجهم لما يسمى بالحكومخة الرشيدة بداية من الحوكمة للشفافية.. ويبقوا شركاء.
- يسري: المرشح حمدين صباحي إذا فاز المرشح الآخر السيسي هل تدعوه إلى هذا؟
- صباحي: البرنامج من الشعب المصري.. والناس يتفقوا معانا ويعارضونا على أساسه.
- يسري يعرض سؤالا من الدكتور أسامة الغزالي حرب: هناك إفراط في الوعود.. وماذا تقصد بالفساد؟
- صباحي: القيمة على لسان هشام جنينة وقال إن 200 مليار جنيه تضيع على مصر بالفساد.. وهقضي عليه بموفضية مصرية ضد الفساد.. والفساد معروف وهو كل مال يمكن أن يأخذه أحد دون حق وكل مال يضيع على الشباب نتيجة إن حد يحطه في جيبه وهو عاوز يفتح مصنع وبيوت والدولة يمثلها فاسد فيقول إديني 10 مليون جنيه عشان أرسي عليك العطاء.. والشاب اللي يدفع 30-40 ألف جنيه في كلية مهمة وابن الفلاح اللي جايب جيد جدًا ومايتعينش وكيل نيابة.. هو ده الفساد.. وستكون حربًا سننتصر فيها.. البلد متقسمة على كام شهنبدر تجار وبيوردوا للكبير وده اللي خلانا نثور على مبارك.. عندنا كوادر ورؤية للعدالة الاجتماعية وهنطلع قانون لحماية المبلغين والشهود.
- يسري: أمامك جبل عليك أن تصعده.
- صباحي: ربنا شاء ونجحنا.. رئيس الجمهورية هو السلطات المتحة والوزن المتاح له.. ورئيس الجمهورية عنده رؤية للقضاء على الفساد والتشريعات وأجهزة الدولة مليانة شرفاء ومحترمين وسأتعاون كرئيس مع هؤلاء الشرفاء لإدارة المؤسسة بكفاءة وتوفر فلوس الفساد.. أكتر الشباب المحبط إنه مش واخد حقه.. وبيحرمه من الوظيفة عاشن مالوش واسطة.. مش أنت مت من التعب وجبت امتياز لأنه عندي حد له ضهر.. أنا عاوز أبقى ضهر الغلابة والله ما في رئيس هيشيل جبل لكن الشعب هيشيل الجبل ومحتاج يتقدر.. المعجزة بسيطة وده السهل الممتنع.. ماتفتحش الباب للفساد.. لا فساد في مصر.
- يسري يسأل عن الشركات الخاصة بالنظافة.. صباحي يرد مستعينًا بقول أحد معاونيه الدكتور زكريا الحداد، الذي قال: شارك في إعداد البرنامج موظفين كثر من الشرفاء وهذا يؤكد أن أجهزة الدولة ستدعم حمدين صباحي.. لأنهم يعلمون أنه رجل شريف وسيعمل على تطهير البلد.. فيه جزئية مهمة يا أستاذ يسري وقالوا إن السمك بيموتنا.. وخرجت من البرنامج وإيدكم مش عارفة تعمل إيه.. عندنا زراعات سمكية مهترئة والعالم بيجب للفدان 2 طن.. وهنعمل قرار واحد رئاسي يوفر 20 مليون جنيه وضبط كميات مياه الشرب ولما نقول المصري زي الأوروبي هنوفر تلتين المية من 300 متر لـ100.. وهنضاعف إنتاج الألبان.
- يسري: هتعملوا إيه في سيناء؟
- صباحي: هنقضي على الإرهاب بجد بالتنمية، وسيناء لازم تتنمى وتتخضر وتتعمر وأهم حاجة العنصر البشري وده ينطبق على كل عنصر، وهنمي سينا هنمي حقوقه وشعوره بالمواطنة لأنه مكتوب عليها نمر سيناء وياخد المناصب في كل الدولة وهما دافعوا طول عمرهم عن الدولة.. والسيناوي يتملك الأرض.. وهي دي اعتبارات الأمن القومي لكن مطاردة السناوية يضر الأمن القومي وكل سيناوي وطني مخلص وعندنا تصورات تفصيلية لتعدين وسياحة وزراعة وأهم من كل ده استخدام سيناء كموقع فريد للربط بين قارات العالم وتكون سيناء تجارة عملية للنقل.
- يسري يطرح سؤالا حول المشاريع العلمية وإجازتها؟
- أحمد السنجيدي: عندنا قاعدة تنافسية قوية في مجال تكنولوجيا المعلومات تمكن مصر من إنتاج صناعة.. وهي مناسبة لكل دول العالم.. وعندنا أسعار الطاقة تساعد على المهارات التقنية وعندنا تصور عاوزين نوصل للسوق وننافس دولة زي الهند.. لكن إحنا في مصر عندنا مشلكة بس اللي قادر يستخدم تكنولوجيا المعلومات قادر يوظف تكنولوجيا المعلومات بنسبة تصل لـ60% بغرض إنه يبقى عندنا استخدام تكنولوجيا المعلومات.. ولما طلع التقرير أكد الرؤية بتاعتناو إزاي نساهم في حل أزمة المرور عن طريق استخدام تكنولوجيا المعلومات.. والحل بتاعنا في مجال تكنولوجيا المعلومات للمرور بعمل 6000 بوابة إلكترونية بدل ما أوقف العسكري واستبدل ده ببوابة إلكترونية بقاعدة بيانات موصلة بتكنولوجيا متطورة.
- روبرت أنيس المسؤول عن ملف الدواء: كان عندنا صناعة وطنية في يوم من الأيام وصلنا لعكس المشكلة وبنشتري وبنستورد ولفتح أسواق جديدة وحل المشكلة وأول حل ننشئ هيئة عامة للشؤون الدوائية وهتبقى هيئة مستقلة وتبقى معاها مكاتب بوزارة الصحة والصناعة والتجارة وهي هتحل 3 مشاكل.. مشاكل البيع والتصنيع والتعامل مع الجمهور، وهقدر أعمل مصانع إنتاج المواد الخام لأنه بنطلعها برة وترجع لنا بصورة مواد خما ونوفر 2 مليار دولار، وشماكل التوزيع عندنا كذا مصدر وبنساعد إنه يبقى فهي فساد فيها وممكن حد يصنع حاجاة مش مظبوطة وبتوصل للناس وشفنا عطارين بيعملوا إعلانا .. وهنعمل جهاز غداري رقابة دوائية وأوفر للمريض دواء ذو كفاءة عالية وده هاجس الشعب المصري.
- يسري: انتهى وقتنا ولكن نسمع منك كلمة أخيرة.
- صباحي: بكشر كل الموجودين.. معانا الخ مازن وهو من متحدي افعاقة وهو مهمتم بإدماجهم بتشرعيات وطنية ودعم المجلس المعبر عنهم وأن يكون على رأسه وزير بينهم واللي عاوز أقوله لك ولشعبنا.. مصر تقدر تحقق هذا المشروع وأفضل منه.
- يسري: حضرتك تقول نفس الكلام وبيقوله المرشح الآخر عبد الفتاح السيسي.. إيه اللي بيفرق.
- صباحي: مش عاوز أتكلم عن اللي بيفرق.. بتكلم عن الشعب عاوزه ومعانا خبراء من الشعب المصري والمرشح الذي يحمل هذا البرنامج وهو أمانة ثقيلة ععايش في قلب الناس 40 سنة من صيادين وعمال وفلاحين ومهنيين وبحس بوجعهم وبعر عن مطالبهم وبحاول معاهم ولي شرف إن بقالي 40 سنة حاسس بوجع الناس ومقدر حقهم.. واللي بنطلبه عشان ندي ثمرة 25 يناير و30 يونيو والثورة لازم تنتهي إلى دولة.. واللي في الميادين يعز عليهم إن العدالة الاجتماعية ماتتحققش أو الكرامة تتخدش أو التبعية لدول أجنبية.. وجه الأوان بعد 40 سنة وبعد ما اتضح أن الكل دلوقتي بيطلبه والكل عاوزينه طيب ما تدوا فرصة للي بدأ هذا الكلام.. ونجرب حقنا في إن اللي آمن بحاجة يحققوها.. يا أستاذ يسري إحنا بنعرض نفسنا على شعبنا لخدمته لا عاوزين سلطة ولا حكم.. إذا الناس شافت إننا نقدر نخدمها إحنا خدامينها ومقدمين البرنامج مش لأنصارنا.. للشعب المصري.. والكلام اللي قايلينه لكل مصر وربنا يحققه.
- يسري يختم الحلقة ويشكر صباحي وفريقه الانتخابي: غدًا إن شاء الله أنصم للزملية لليليا داوود ونحن نفحت ملفات الإرهاب والإخوان والأمن والسياسة الخارجية وملفات كثير ة قبل الصمت الانتخابي.
انتهاء اللقاء