قال المشير عبدالفتاح السيسي، إنه يرى أن المعلم هو العامل الحاسم في العملية التعليمية، مضيفًا: «ممكن نعمل منهج كويس جدا، لكن محدش بيعمله».
وأضاف السيسي في الجزء الثاني من حواره مع قنوات «الحياة ودريم والنهار»، مساء الاثنين: «ركزت على المعلم، لأنه العامل الحاسم، والعناصر المادية سهل التعامل معاها، قدرات الإنسان محتاجين نتعامل فيها بفاعلية حقيقية، أنا شايف المعلم ومقدره، ولكن صبرا».
وتابع: «ممكن نعمل منهج كويس جدا، لكن محدش بيعمله، إحنا محتاجين معلم يدي قيم كمان، قضية التعليم الإنجاز فيها مؤجل، عايزين نعمل نقلة حقيقية خلال السنوات الماضية».
وواصل حديثه: «لو جمعت من كل محافظات مصر مدرسة من نجباء الوطن، يبقى كده بنحاول نعمل أمل علشان نحتضن العقول دي، لما تقول تبتدي تهتم بالمدرسة وتقول للمعلم أنا متشكر، وتعمل إجراءات أخرى للتحفيز ما أمكن، وتعمل مجلس أباء يقدر المعلم، فيه إجراءات كتير نعملها ممكن تقول للمعلم أنا متشكر».
واختتم: «المعلم الأساس، والتعليم قضية كبيرة جدا».