بالفيديو.. صباحي في حوار لـ«مصر تنتخب الرئيس» (نص كامل لحظة بلحظة)

يحل المرشح الرئاسي، حمدين صباحي، ضيفًا على الإعلاميين خيري رمضان ومجدي الجلاد في برنامج «مصر تنتخب الرئيس» على قناة «cbc»، مساء الخميس، للحديث عن برنامجه الانتخابي وفرصه في السباق الرئاسي أمام منافسه المشير عبدالفتاح السيسي.

يمكنكم متابعة نص اللقاء أو البث المباشر (لحظة بلحظة)

بدء حوار صباحي على الهواء مباشرة مع خيري رمضان ومجدي الجلاد

- مجدي الجلاد: صباحي يتحدث كمرشح للرئاسة.. في أي حوار يكسب مؤيدين أو يخسر معارضين.. وأكيد المواجهة ستكون هامة جدا.

- فاصل.. واستعراض لسيرة صباحي الذاتية.

- عودة بعد الفاصل.

- خيري يرحب بصباحي: أنتم شركاؤنا في سؤال المرشح على هاشتاج #اسأل_حمدين.

- خيري: من انت؟

- صباحي: أنا إنسان مؤمن بالناس وجهودها وبمكانة المواطن وبتحقيق عدالة اجتماعية ينتشلهم من الفقر ومؤمن بنظام ديمقراطي يحترم حق الناس يوصوله للسلطة ويسقطوه بطريقة ديمقرياطة.. وإيماني بربنا وناسنا وإني واحد من الناس.. واجبهم ينقلوا الأحلام دي لأنها سياسات جديدة تغير السياسات القديمة وهذا الإيمان يجعلني أتقدم عشان أشيل هذه المسؤولية واثقا من ربنا.

- الجلاد: ليه مصر تكون رئيس جمهورية؟

- صباحي: مصر مليئة بالناس الرائعين والرائعات اللي حققوا أهدافها.. ومؤمن اللي هيحقق الحلم كل الناس.. وأشوف إرادة منتصرة وتحقيق أهداف الشهداء والمصابين.. وتكون الدولة كفء ناجحة وعادلة وتتحقق المعاني بواحد من الشعب عاش ألمه وبخرة وكفاءة ودي يجي من حد عاش وسط القوى السياسية والاجتماعية وعارف حقها وصدره وعقله متسع ونعثر من الحوار على الحل الأمثل لبلادنا.. والمصريين بعد ثورتين ماعندهمش رفاهية التضحية بثوريتن.. وهما عايزين دولة ناجحة ودي علامة نجاح الثورة وأريد الشعب المصري يتمكن والشعب في إيد صحاب البلد.. وأنا مش مصر أكون رئيس جمهورية ويشرفني أكون مواطن ولقيت مواطن أو مرشح يحقق هذه الأهداف كنت أسيدته ووقفت معاه وأنا لا أتقدم طلبا للسلطة وأعتقد إني هشيل الأمانة وهوفيها.

- خيري: إذن أنت ترى أن منافسك لا يحقق هذا؟

- صباحي: نجيب واحد من قلب الثورتين.

- الجلاد: يعني شايف السيسي مدني؟

- صباحي: كل واحد من حقه يترشح في إطار القانون.

- الجلاد: أنت شايف إيه؟

- أنا بتكلم عن قوى مدنية ديمقراطية.

- الجلاد: المشير السيسي بيقول كده.

- صباحي: أنا مش بحكم على الناس أنا ابن الحرك العاملية وابن نقابة الصحفيين وأنا ابن الفلاحين وعشت وسط أهلي في بلطيم.. أبويا الحاج عبدالعاطي صباحي وصاحب فضل عليا وإداني حكمة عظيمة للفلاح واتجوزت من فلوسه والورث اللي عندي منه.. وأنا جوه الحياة الحزبية والمجتمع المدني 40 سنة مفيش مظاهرة إلا لما كنت مشارك فيها وفي ثورة 25 يناير وفي موجتها 30 يونيو.. و25 يناير اتسرقت ورجعناها في 30 يونيو.. والثورة ماقامتش عاشن نرجع للفساد.. هو مين صابح الثورة الشعب ومين ساندها الجيش.. مين الأولى أن يطرح من صفوفه رئيس.. الشعب.. البطل.. مش السند.

- خيري: أنت حاطط الاتنين في مواجهة الشعب والجيش.

- صباحي: لا.. أنا راجل واضح.. ورهاني على الشعب واللي بيقود المصريين كشعب والجيش بيساند كمؤسسة.. وزالجيش كان عظيم إن ولاءه في 25 يناير لشعبه.. والشعب يملك الجيش.. والجيش عقيدته إنه اتسق مع الشعب 11 فبراير و3 يوليو.. والقائد هو الشعب والسند الجيش.. وهما بيكملوا بعض، وأنا مش هسمح بتناقض.

- الجلاد: هل ده معناه بيشوف الجانب المنتصر ويقف بجانبه.

- صباحي: الجيش بضباطه وقياداته عنده مشاعر الوطنية ولا يتحرك إلا بإرادة الشعب.. والجيش اتحرك في 25 يناير بعد ما الملايين كانوا في الشارع.. وفي 30 يونيو اللي دعا واللي عملها هو الشعب.. والجيش اتحرك 3 يوليو.. ولا ييملك القائد أو تتحرك دبابة إلا بالشعب المصري، وفي 30 يونيو كان اللي بيقاوم استبداد مرسي هو الشعب وجبهة الإنقاذ والقوى المدنية وتمرد والشعب.

- خيري: والإعلام؟

- صباحي: أه وخلينا أحييك.. والوحيد اللي اتمنع أيام مرسي كان في لقائي معاك يا خيري وبحييك على استقالتك على الهواء.

- خيري: أنت عاوز تقول إن فيه خسارة عليك في عصر الإخوان؟

- صباحي: ده تفسير مقبول لأن البعض بيصطاد في مية عكرة ويقول لا تقربوا الصلاة.. وحمدين كان واقف ضد الإخوان وقلت علنا إن مرسي فقدت شرعيته.

- الجلاد: يعني السيسي كان جزء من نظام مرسي؟

- صباحي: أه كان جزء من نظام مرسي.. وكان يؤدي له التحية العسكرية لكن هناك فارق بين مناضل في الشارع ورجل منضبط في المؤسسة العسكرية.

- الجلاد: بس حط روحه على كفه؟

- صباحي: أه حط روحه على كفه بعد ما الشعب فتح صدره العاري، والشعب خرج أمام الاتحادية والقوى المدنية اتقتلوا في ظل مرسي واتقتل الحسيني أبوضيف، والجيش ماتحكرش وكان ذكي ساعتها، وأقول الشهداء الحسيني وكريستي والجندي، وكنا طلعنا الشوارع وعملنا جمعة كشف الحساب واللي عملها التيار الشعبي وعملنا جبهة الإنقاذ وراعينا حركة تمرد وجمع التوقيعات وبعدها دخل الجيش والإدارة الذكية إنه ماكانش يتدخل قبل كده ولا أزايد على أحد.. نقوم إحنا اللي عملنا الثورة وصدرنا كان مفتوح وضد الرصاص فإحنا الشعب وماحدش يحط الشعب درجة تانية.. وإحنا مش ملحق على الجيش.. والشعب هو اللي خطط وهو اللي فكر في 3 سنين من انهيار.. والشعب قادر إنه يطلب حقه.. وناس طالعين يقولوا يا سلام على الجيش وهم كالدبة التي تقتل صاحبها وهناك نفاق بتصوير 25 يناير و30 يونيو إنهم ضد بعض، نفس الناس اللي شموا نفسهم في 30 يونيو بعد ما استخبوا في الجحور بعد 25 يناير، والله ما هيرجعوا والله ما هيرجعوا، وإحنا اللي قلنا الجيش والشعب إيد واحدة.. واللي هيورط الجيش المصري عاوز يورطه يكون طرف والجيش المصري أوعى وأذكى من أنه يستدرج لأي خلاف حزبي.

- خيري: حضرتك نقلتنا لملف تاني خالص، لدي مجموعة من التوقفات، وقلت بعد 25 يناير و30 يونيو، فهل ترى أن عدم مجيء حضرتك أو فوز منافسك عودة للفساد والاستبداد.. وحضرتك قلت إحنا الشعب والمعنى وصل بأن الجيش في ناحية والشعب في ناحية، فهل ترى أن ترشح السيسي تدخل في حكم مصر الآن، الجملة صيغت بأكثر معنى؟

- صباحي: إحنا الشعب نعم وأصحاب السيادة في البلد نعم.

- خيري: يعني السيسي مش من الشعب؟

- صباحي: هوضحلك وصدري واسع، والرئيس لازم يسمع ناسه ويتحمل الشطط والتجاوز في بلد فيها تعدد الأصوات وبدون الديمقراطية نعيد إنتاج الحواديت المفشلة، وخلينا نتوكل على الله ونقول عاوزين رئيس ديمقراطي وإحنا الشعب القائد والمعلم وصاحب السيادة بالدستور والجيش له محل تقدير وموقفي فيما يخصني شخصيا موقف ثابت طوال تارخي في العمل العام، وعشان تبني بلد ديمقراطي مش عاوز دولة ناجحة، وأنا بقدم خطوات مدروسة ويتم إصلاح جذري للإدارة وكل سلطات الدولة المصرية ولما تصلح الداخلية والحكم المحلي، والشباب مهمتين بالداخلية ده شيء منطقي لأن أهلي الصياديين مهتمين بإصلاح الإدارة وإصلاح الحكم المحلي وإصلاح الحكم المحلي مش أقل أهمية من إصلاح الداخلية.

- الجلاد: خيري قال كلام واضح هل في نجاح المشير عودة لعصر الفساد والاستبداد؟

- صباحي: هكمل جملة البرنامج وأجاوب على السؤال.. وأنا عندي جيش كفء وناجح.. والدولة المصرية لما تنجح بتنوع أجهزتها يخلي الدولة تنجح وبناء دولة مدنية متعددة الأجهزة وناجحة.. ولو ربناء شاء ونجحت يبقى انتهى الفساد في مصر.

- الجلاد: السيسي قال لي نفس الكلام يبقى إزاي؟

- صباحي: لن أحكم على ما يقوله منافسي وده موضوع اللي بيحط صوته، وأنا بقدم نفسي ولما يقول قضيتي الأولى محاربة الفقر أبقى سعيد وكل كلمة بيقولها متاخدة من برنامجي أنا بحييه على عليها لأنه ده يثبت الوعي المشترك بقضايا الشعب المصري.

- خيري: يعني أي حد يطرح فكرة العوز أو الفقر يبقى مصدرها حمدين صباحي؟

- صباحي: لا العفو.. لكن اللي قال الكلام هذا المرشح (صباحي) من سنتين.. وقلته منذ 40 عامًا، وسبق ليا إني قلتها في برنامجي وقلتها من 40 سنة وناضلت عشانها، وشايف بطن الدولة المصرية بفسادها واستبدادها وبقدم طلبات إحاطة واستجوابات وبقيت مع الشارع وأنا بعبر عن قناعاتي وبستفيد من خبراء وطنيين ولو لقيت كلام بيقولوا المنافس من برنامجي ده كويس، ومن بينها العدالة الاجتماعية والقضاء على الفقر، وأنا لست بصدد الحكم على برامج الآخرين لكن القضاء على الفساد بجدية وانا مطمئن إني أقدر أعمل ده.. والجيش للأمن لا مع رئيس أو ضد حزب، الجيش مع الوطن.

- الجلاد: هل الجيش طرف في العملية السياسية لو السيسي أصبح رئيسا لو أصبح حمدين رئيسا؟

- صباحي: الجيش لا يصبح طرفا مع الاثنين، وأنا أقدر على تحقيق دولة ناجحة وده يخلي الجيش مايبقاش محل استدعاء دائم وكل ما تكون قدام الرئيس مهمة صعبة يستعدي الجيش لا، لما تكون مهمة صعبة في العمالة والتشغيلة أنا أحلها بقطاع خاص ومجتمع مدني وإحنا بنبني دولة بأشكال مؤسسة جديدة وتنافسية حقيقية بين كل اللاعبين سواء قطاع خاص أو تعاوني وقوى سياسية وجماهير وشعب والكلام ده ماتعملوش غير دولة ديمقراطية مش دولة الاعتماد على مؤسسة واحدة أو رجل واحد مع احترامنا له.

- خيري: هنحاول.. وبفكركم بهاشتاج #اسأل_حمدين، وبعد الفاصل هندخل في الجد.

- فاصل.

- عودة من الفاصل.

- الجلاد: منتظرين مشاركتكم على #اسأل_حمدين .. ونستكمل حوارنا ممكن ترسم لنا صورة عن مصر وشايف مصر إزاي؟

- صباحي: التنمية الشاملة هدفها إن الإنسان متعلم كويس ويلاقي عمل كويس، ويلاقي أجر عادل، ويلاقي تأمين اجتماعي وعايش في بيئة نظيفة وبسميها الحقوق السبعة زائد واحد، ويبقى في ظروف سياسية تخليه يدي أحسن إسهام ذهني وبدني في مستوى حياته، وأهم مشكلة في مصر إن الناس مش واخدين حقهم ولا كفايتهم ويوصلوا للمكانة اللي نفسهم يوصلو ليها، والفقر أهم مشكلة ونص المصريين تحت خطه والقضاء على الفقر حرب مقدسة هي حربنا على الفقر، ورقم اتنين الحريات عشان الإنسان يدي أفضل ما عندي لازم يبقى حر في حرياته في الاجتماع والتظاهر والاعتصام السلمي ويحدد اللي بيحكمه كأفراد، واطمئنانه إنه عايش في مجتمع بلا تمييز، فاللي عايش في الريف بيتظلم والتمييز لا يليق بدولة ناجحة، والتبعية عاوزين قرارنا من رأسنا، والتخلف تخلف شامل لو المجتمع لا يكفل تداول سلمي للسلطة والحول واضحة جدا عاوز عدالة اجتماعية تحقق لك مكانة شاملة عاوز حرية يصونها نظام ديمقراطي وعاوز كرامة وطنية بسياسية خارجية ودي 3 أهداف مش بقول إن برنامجي حاططها الشعب هو اللي حاططها.

- خيري: جضرتك بتتكلم على حرب مقدسة ضد الفقر وقلت إنك هتقضي على البطالة وتمح لكل شاب فدان والبعض بيقول وآسف في التعبير إن الأستاذ حمدين إيده في المية ومين ده كلها.

- صباحي: هقولك إننا اتكلمنا عن مشروعات متوسطة ومتناهية الصغر، والمشروعات المتناهية الصغر ممكن تحتاج 1000 جنيه بلد زي بلطيم تعمل كليم وبتمكن ناس بساط وتخلي الفرش في المكاتب بالكليم بدل من السجاجيد الفاخرة والمشروع المتوسط يحتاج إدارة كفء.. فيه وزير بلا حقيبة على رأسه ومجلس للصناعات ونشوف إيه طبيعة الصناعات اللي في المحافظة.. ونشوف الصناعات وتتطور ونمرة 2 التمويل ومشروعنا فيه إقامة بنك الصعيد إنه يمول مشروعات التنمية والمتوسطة الصغر اللي اتظلم كتير.

- الجلاد: هتكرر تجربة بنك التنمية الزراعي وتظلم الفلاح؟

- صباحي: لا.

- الجلاد: بتكلم على تجربة عبدالناصر.

- صباحي: عبدالناصر عمل بنك التسليف وعمل عدالة اجتماعية، وبرنامجي مختلف عن بنك التسليف، وبنك التنمية كان همه إنه ينجح ومش همه الفلاح والبنك يسوي على الورق إن الفلاح سددها ودي بنسميها إن بيدور أو بيقلب، وتكون المديونية عليا والديون تتاركم، ولابد من إنقاذ المصري من النظام البنكي، وإيه اللي هستفيدوا لما بنك التنمية يخسر والفلاح يكسب ولا حجاة، وشمروعنا سأسقط ديون الفلاحين عند بنك التنمية وكل فلاح عنده 3 أفدنة حيازة سأسقط دينه واللي عنده حيازة 5 أفدنة سأسقط 50% من دينه، والأرقام لازم يكون الرئيس منحاز والوزراء والفنيين يقدمون التفاصيل واللي يفهم في الحسابات الإكتوارية أكفا مني وعاوز الفلاح يزرع الزرعة في غيطه يحسب إن اللي طلعه من المحصول يكسبه وقادر يجوز البنت وينجح الفلاح.

- الجلاد: بنك الصعيد هيبقى كده؟

- صباحي: الكلام ده يسري على بنك الصعيد، وده هيسري على صندوق القروض للشباب وبنك ناصر، لكن إيه فكرتي الرئيسية في مشروعاتي أفتح باب رزق وعندي في الدولة عدد الوظائف متضخم وعربيات، وأرجع أقول رؤية للمواقف وحاضنة مالية ونموذج له بنك الصعيد وتقدم القروض بأقل ربحية ومحتاجين فلسفة تسويق، كتير من شباب مصر يقدروا ينتجوا لكن ما يعرفوش يبيعوا وعاوز من القطاع الخاص.. إن عدد من المشروعات يجتمع في شبكة هنعظم لغة الاقتصاد والربحية، ومصر بتهمل كفاءات هائلة في طريقة الإدارة والدول اكبر منها اقتصاديا، وفي الصين اللي بيتشغل في بير السلم بيستفيده منه وأنا هنا بعقد الدنيا، وبعتبر دمياط النموذج الأمثل للصناعات المتوسطة والصغيرة وكل ورشة فيها كسيبة ودلوقتي بتنهار، ولما الرجل يخلص شغلته ويبيع الصالون الجميل لصصحاب المعرض رغم أننا عندنا معارض تعاونية فنمكنهم ونوفرهم فرصة بيع مباشر وخشب مستورد، والبلد دي محتاجة فلسفة تعاون، الاعتماد على التعاونيات طريقة في الإدارة يخليها منافسة حقيقية ومحتاجة استقلال بدماغ ومصالح أصحابها وأيسر إجراءات تسجيلها هل صاحب الورشة يطلب منه رسوم كأنه مصنع طيب ما أيسر على الناس.. يعني إيه فرصة 4.5 مليون فرصة عمل وبيدخلنا مليون ونص سوق العمل مليون نص.

- الجلاد: 700 ألف بيشتغلوا و800 ألف لا.

- صباحي: مش عاوز فرصة الميري وتراب الميري أنا عاوز الدماغ، والشباب اللي مؤمن به اللي عمل السوشيال ميديا في 25 يناير و30 يونيو ولازم أمكن الشباب، واقتصاد المعرفة، واللي بيكسبوا في الدينا بيكسبوا بالدماغ، والموبايل اللي قدام ساعدتك بيتباع 1000 جنيه فيه 10% مواد خام والباقي معرفة وسوفت وير وأبليكيشن والشباب دول لما نمكنهم هتستفيد مصر.

-الجلاد: هتعمل لهم مدينة تكنولوجية؟

- صباحي: هعمل مدن وأخليه يحقق حلمه الشخصي في إطار الجماعة والهند اقتصادها يعتمد على البرمجيات وأنا عاوز مشروع صغير ومتناهي الصغر ومتمكن ودي فلسفة للتسويق تاخد إنتاجنا توصله وتساعده.

- خيري: وتوزيع الأراضي؟

- صباحي: الموضوع فيه التباس، أنا قلت هنصلح أرض في الصحراء والأمر يرتبط بالمياه الجوفية ومشروعنا نصلح به أرض على يد المياه الجوفية باستخدام رشيد ومفروض كل مخطط يعمل حسابه إنه فيه أجيال جاية ماينهبش اللي موجود وتقديرنا إننا نعمل 3 ملايين فدان وحاطين خريطة معلوماتية لموارد مصر.

- خيري: هنشوفها إمتى؟

- صباحي: بعد سنتين.

- خيري: بعد سنتين؟

- صباحي: هنستفيد من المجسات والتقنيات الجيولوجية للكشف عن الموارد، لأنه بدي شكرة تنقيب البترول إنها تنقب وأول ما تلاقي تقف، وبعدين تعمل ديليت للمعلومات اللي عنده ولا أستفيد

- الجلاد: بس ده بيتكلف؟\

- صباحي: طيب ما أشرط عليها إنها تدني المعلومات وأعمل من خلال مركز التعبئة والإحصاء ودعم القرار ووزارة للطاقة التعدينية للحصول على المعلومات فمصر أسباب تخلفها الإداري فقدانها للمعلومات، وهنعمل الخريطة؟

- خيري: موضوع الشباب يعني مش هنوزع أراضي؟

- صباحي: أنا عندي 2 أو 3 مليون او مياه جوفية خلتهم 5 مليون.. هوزعهم إزاي زي رئيس وزع ألف فدان زي الحزب الوطني أو قريب من جمال مبارك يوزع الأراضي ويسقعها، وأنا بقدم الإجابة هديله الفدان و10 آلاف جنيه ومش هسيبه يزرع الفدان أو يصرف 10 آلاف جنيه.

- خيري: ده يتكلف 30 مليون؟

- صباحي: كل وحدة اقتصادية ستدار كوحدة واحدة وسيدار الأف فدان وأنا بعزقهم وبرشهم كوحدة واحدة ويبقى وسعت القاعدة وكده الألف فدان مش أوزعهم على رأسمالية المحاسيب هوزعهم على ألف شاب، وهجيب شركة البحيرة اللي عمرها قرن وعليها ربع مليون جنيه.

- الجلاد: بس الشباب منذ عهد عبدالناصر الأرضاي بتتوزع وبتحصل خاسئر وبيحصل فساد في التعاونيات؟

- صباحي: أنا عندي حرب مقدسة ضد الفقر والقضاء على الفساد، واللي عاوز أوضحه للشعب هوزعهم على الفقير مش على البهوات وسنيدة لكل سلطة وهخلي التويزع للأراضي واحدة واحدة.

- خيري: بس المياه الجوفية والأراضي ده يغير حياة الشباب؟

- صباحي: المنوفية فيها أحسن طريقة للزراعة،وفيه ناس منابهمش 5 فدان، فيه ناس نابهم 5 قراريط، لما أقدم لك وسائل حديثة، هقدم لك قرض حسن هترده من خلال الأرض، وبقدم فرص للملكية بأوسع قادعة والشركات تساهم معاك وخدت فرصتك من خلال أرض وقرض ميسر يبقى السؤال عليك أنت عاوز تعيش في خير البلد يبقى انتج وكفي نفسه وعاوز أقولك إن النص فدان في الاستزراع السمكي بالأساليب الحديثة كافي لإنتاج ثروة سمكية.

- الجلاد: قبل السؤال الأخير هل استصلاح فدان الصحراء يتكلف 10 آلاف جنيه؟

- صباحي: بقول على القرض.

- الجلاد: هيجيب منين؟

- صباحي: هتبقى تعاونية ودي مسؤوليتي كدولة وأنت شاب عندك طموح وتقدر تدخل شركاء معك وتتفق مع شركة الاستصلاح ده بسميه تضافر الدولة والقطاع الخاص والمجتمع المدني، وأنا هنراهن عليك وهتاخد من الفدان لأنك جزء بيكمل أكل عيشه، وتبقى فاهم كمواطن زي ما أنا فاهمه، والفرصة قدامك لتحقيق مجتمع خالي من الفساد وهما مسؤولين يكملوا السكة وهما شركاء مع الدولة؟

- الجلاد: مين بيمولوا حملة صباحي وتبرعات الحملة؟

- صباحي: أرجو تعلنوا رقم حساب التبرعات على الشاشة وهو في بنك مصر

- الجلاد: ده جائز قانونا؟

- صباحي: ده جائز قانونا وليه بقولك حط الحساب لأن حملتنا المرة اللي فاتت والمرة دي بيمولها الشعب وبنعلن ما وصل إلينا وهنعمل ده، وإحنا حملة فقيرة، وإحنا حملة مؤسسات مش حملة الراجل الواحد

- الجلاد: إحنا هنطلع فاصل.. خيري: بس لو أنا نظام سابق هتقبل ده مني؟

- صباحي: هقبل.

- الجلاد: حتى لو كان حزب وطني او الحرية والعدالة؟

- صباحي: ماحدش من دول له مصلحة معايا.. وفيه ناس جت على المقر وقدمت 500 جنيه وبقول لها أن مديون لك.

- الجلاد: رقم الحساب على الشاشة.

- صباحي ضاحكًا: لو هتساهموا يبقى ده يشجع الناس.

- الجلاد يضحك: مفروض يكون لنا نسبة

- خيري: هل جالك تبرعات من دول عربية؟

- صباحي: قانونا ماينفعش، وإحنا جالنا 5 مليون صوت وأنفقنا 5 ملوين جنيه بموجب جنيه لكل صوت واحد ونتمنى أن ربنا يزرقنا بـ15 مليون مصري والـ15 مليون يدفع لي منهم جنيه وده ماتاح إن البلد تحقق حلمها لدوة ناجحة.

- الجلاد: هنروح لفاصل وحمدين هيواجه أسئلة صعبة.

- خيري: هاشتاج #اسأل_حمدين بقى تريند وننتظر مشاركتكم

- فاصل.

عودة بعد الفاصل.

- خيري يرحب بالمشاهدين: حساب التبرعات كام.

- صباحي: التبرعات اللي جابة على البنك 218 ألف جنيه، ودي سيولة موجودة في البنك.

- الجلاد: بس ده مش مؤشر قوي وجالك 5 مليون في الانتخايات اللي فاتت.

- صباحي ضاحكًا: إحنا لسه بنستفتح في تالت يوم.. بس أنتم ليه ماسألتوش المرشحالتاني حسابك كام.

- خيري: مضايق من الأسئلة السخنة.

- صباحي يضحك ثم يتحدث عن برنامجه: انا ماقتلش إني هعطي الأراضي ولكن توزيعها وفقا لإدارة ناجحةوبنظم حديثة تتجه للتنقيط لكن مشروعنا بيقول إننا نستطيع نوفر 5 مليار متر مكعب من المياه، ومشروعنا إن إحنا نصلحهم في الظهير الصحراوي عشان قدرة الانتقال للشباب والفلاحين تبقى أيسر ومواجهة التوسع على الأراضي الزراعية، وتقدرينا التعامل الرشيد لأن الحكومات اللي فاتت تراخت مع الفلاح وسابت التوسع على الأراضي الزراعية ورأينا مانعملش إزالات ودرست الأمر وتقديري نسن تشريع جديد بالغ الحسم لكن المخالفات لو خليت الدولة تهد كل بيت مش هتخليها أرض زراعية وبيت عالمه عشان يجوز ابنه.

- خيري: بس ممكن تستغل الحكاية دي لغاية الانتخابات.

- صباحي: هسن قانون باتر وتشريعات وهعمل حزمة مع بعضها كحل للمشكلة وأنا مش الحكومة اللي سابت البناء على الأراضي.

- الجلاد: هل ده معناه إنك هتسن قوانين؟

- صباحي: في الفترة من انتخابي رئيسا وحت ىالبرلمان عندي مشروعات قوانين سأقدمها للبرمان وجزء منها يضع تشريع حاسم يواجه المخالفات وأحترم البرلمان ولن أستصدر قوانين إلا في أضيق الحددود والنسبة للحريات وللتوافق أعلنت أن قانون التظاهر سأعدله، وبرنامجي فيه حصانة حقيقية للنائب العام ومش عاوز القضايا اللي على المعارضين تتنظر فورا واللي على الحبايب تتركن وأنا أحترم القضاء وعندي مشروع قانون لوزارة العدل وقانون التظاهر غير دستوري ولابد من تعديله وسآخذ ملاحظات المجلس القومي لحقوق الإنسان والقاضي مالوش إنه يعمل غير نص القانون والقاضي أنا بعفيه لأنه يحكم بنص القانون والعفو حق دستوري وارد في القانون ولما أشوف شباب الثورة مسجون وبتوع مبارك طالعني في الإعلام ويدشنوا حملات انتخابية وبيعودوا وده مش هيحصل، ولما ألاقي شباب الثورة بسبب قانون غير دستوري يبقى عليا أن أصححه.

- خيري: مش هتنتظر البرلمان؟

- صباحي: سأعدل كل ما يخص الحريات وسأعفو عن كل سجين رأي.

- الجلاد: ممكن تقول لي 3 أسماء ممن ستعفو عنهم؟

- صباحي: فيه آلاف وهما لم يكونوا إرهابيين.

- الجلاد: بس هما انتهجوا العنف وهتعرف ده إزاي؟

- صباحي: ده بهيكلة الداخلية.. وخيري يقاطعه: هتعرف إزاي ما حدث في الماضي؟

- صباحي: قراري ألا أتدخل في عمل أي مؤسسة وفيه آلاف في السجون.. والجلاد يقاطعه: بس مش هتخاف زي ما حصل مرسي يقولوا إنك خرجت إرهابيين.

- صباحي: أنا بتكلم عن طلاب الجامعات كنموذج وأنا ابن الحركة الطلابيية، والطالب اللي مارس العنف يحاكم والطالب اللي كان جوه حرم جامعته ويعبر عن رأيه يعود إلى بيته، ومفيش مساومة على الإرهاب ومفيش عقاب جماعي لأصحاب الرأي.

- خيري: عاوزين نرجع للمية والأراضي.

- صباحي: نعمل توفير للموازنة العامة 166 مليار جنيه من بند واحد اسمه الموازنة العامة للدولة.. إزاي يتم إعادة صياغة بنودها.

- الجلاد: فيه عجز يبقى منين؟

- صباحي: هقولك وأنا بقول الوعود اللي واثق إننا حنقهها إن مواردها موجودة وقابلة للإيجاد ولما بقولك هحتاج 10 مليار وبقولك هنوفر 166 مليار هنوفر 3 مليار من الحكومة و2 مليار.

- الجلاد وخيري في نفس واحد: إزاي؟

- صباحي: الصناديق الخاصة لما أقول 55 لما أضمها على الموازنة العامة يبقى زودتها 55 مليار جنيه.. بيتصرف أضعاف اللي بياخوا العمال من جلسات المحافظ ويفط للرئيس، وبقول كلام اللي مقدمينه خبراء وطنيين وإيديهم جوه الدولة وشركاء معانا أطراف من كل أجهزة الدولة.

- الجلاد: هتوفر 40 مليار حكومة محلب؟

- صباحي: أنا هوفر 55 مليار جنيه، والدعم اللي بيروح للمواد البترولية مقدر بـ130 مليار، وخطتنا دعم الفقراء مش هنمسه ودعم الأغنياء هنلغيه، وأنا حاطط رقم رشيد وهما 55، ولما أكلم عن بنود محددة في برنامج يقدمه خبراء اقتصاديون عاوز أضيف لك عليه إنه في هيكلة الإنتاج تصور مبدئي يوفر 0 مليار وعندي موارد إضافية مقدرة بـ130 مليار.

- الجلاد: بس الفساد إن الناس بتدي رشاوي وزي ما قال المسشتار هشام جنينة إن الفساد بيكلفنا 200 مليار فده عايز ضبط وأجهزة رقابية فإزاي أنا شايفها صعبة؟

- صباحي: إحنا داخلين ننجز المستحيل من الصعب والشعب المصري مع رئيس وعمل تشريعات لعمل المفوضية المصرية لمكافحة الفساد والمفوضية لمكافحة التمميز وهوحد أجهزة الرقابة وهعطي للأجهزة بالتشريع سلطة رفع الدعاوى دون العودة لرئيس الجمهورية ورئيس الوزراء، وسأصدر تشريعات لحماية المبلغني والجنود وهفعل أطور القانون المتعلق بتضارب المصالح وسأدعو لتشكيل هيئة قانونية مؤقتة وبالذات جمعيات الشفافية لمحاربة الفساد فيما يتعلق بشرعنة الفساد وتبقى فاسد بالقانون وتبقى ناهبني عيني عينك، واللي بلغ عنك العامل الشريف الغلبان يتسجن، وهنقي اللوائح من الفساد.. وهنواجه الفساد في الدولة ورأسمالية المحاسيب في القطاع وده محتاج تشريعات وتمكين البرلمان والمحليات ويستلزم شفافية ومحتاج عدالة اجتماعية لأن الفساد الصغير سببه الفقر وماقدرش أعمل قضائئ ناجز إلا لما الموظف مرتبه يكفيه.. بالإضافة لحريات الإعلام، والرئيس النضيف مش هيبقى جنبه وزير حرامي والسمكة عشان تفسد من رأسها فالرئيس يكون مستعصي على الفساد.

- خيري: آليات العدالة الانتقالية كيف ستعامل معها مع المجلس الأعلى للقوات المسلحة؟

- صباحي: البرلمان في أول دور له ده واجب لا يستطيع الرئيس أن يفلت منه ولا مهرب لأن ده مش اختيار اجتماعي ده إلزام دستوري، والعدالة الاجتماعية تحاسب على الدم والمصابين ونهب المال العام وجرئام الإفساد السياسي تشمل أي فترة النظام اللي ثرنا عليه في 25 يناير والجرائم التي ارتكبها حتى الآن، وإزاي نعمل عدالة النقتلية نحط قانون ولازم يكون واضح للمصريين إننا محتاجين تفاهم وطني وبعدين صفحة الدم كترت والوجع في البيوت والحزن أكتر مما نحتمل وعاوزي نقفل صفحة الماضي وبنقول في برنامجنا تضميد جراح الماضي حماية المستقبل بنقول قصاص ناجز للشهداء والموجوعين ونسمح بمحاسبة جادة للمسؤول وتعطي تعويض وجبر للضرر للناس من الذين سال دمهم أو جرحى

- خيري: اللي هما مين؟

- صباحي: كل مواطن مصري أو ضابط أو فرد في الجيش والشرطة وكل مواطن أريق دمه ولم يكن مشاركا في الإرهاب دمه وتعويضه من الضرر وحقه واجب المجتمع.

- خيري: هتعمل ده إزاي مع رابعة والنهضة؟

- صباحي: الدولة تحقق ده والمجتمع يراقب وأنا أقول عدالة انتقالية لا انتقامية.. وماناخدش المسألة بالكوم ومؤمن إن الإرهابي مايفلتش من العقاب لكن ما نعملش عقاب جماعي ومجلس حققوق الإنسان أوصى بسلطة قضائية مستقلة هنعمل ده ويبقى فيه نية خالصة إن الإرهابي يتجزر وصاحب الرأي نجبر بخاطره، هنقفل على نضافة وفيه إرهابين لاتسامح معهم وفكرة خلي البلد والعة عايزينها الإخوان وحلف رجال مبارك من الفساد والاسبتداد بيتصورا إنهم بيستردوا نفوسهم لأن تحت الشعب حكم عليهم.

- خيري: فيه حد فوق يحمي فساد؟

- صباحي: مصر فيه شعب واعي وصاحي وشايف وقلبه ذكي.. وكلام واضح اللي عاوز مصر بلد ناجحة محترمة من الناس والعالم لابد أن يخضو معركة وهننتصر فيها ضد الفساد ويبني البلد وماحدش هيربي الشعب المصري ومفيش حد هيمن على الشعب المصري وهو الذي له الفضل والمن وهو شعب جاهز تماما لقيم ديمقراطية في وقت قياسي؟

- خيري: بتقول الكلام ده ردا على مني؟

- صباحي: بقول لمن يظن أننا شعب غير ديمقراطي، وإحنا شعب قام بثورتين واللي هيؤمن بكفاء الشعب المصري وإنه مؤهل للديمقارطية بشرط أن الدولة لا تتعسف وتقول يتفرجوا على فيلم ولا كتبا فالمصري سيد نفسه، وأعمل آليات.. وخيري يقاطعه: دي صعوبة تعمل حوار مع مرشح كان صحفيا.. والجلاد: قلت إنك ستواجه أصحاب المصالح وستحارب المستثمرين ومجمل إنتاج الاقتصاد 60% من القطاع الخاص وده معناه إنك هتدخل مواجهة معهم؟

- صباحي: أنا هدعم كل رأسمالي عاوز يشتغل يدعم مصر وهحارب كل رأسمالي فاسد واللي خدوا أراضي برخص التراب هدفعه تمنه وهاخد منه فلوسه.

- الجلاد: مش الحكومة هي اللي بايعة له؟

- صباحي: لو ربنا كرمني وانتخبت مفيش حرامي هيفلت بشيلته.

- خيري: هتعمل إيه هتقول له هتدفع لأحسبك؟

- صباحي: منا قلتك هناحسب على الدم وإلإفساد السياسي ونهب المال العام، لما واحد ياخد الأراضي بهدف الزراعة ويعمل حاجة تانية فأحاسبه على كل ربح حققه نتيجة إنه لم يلتزم بالغرض وده كلام بالقانون مش بالسياسة.

- الجلاد: بس لو فيه ناس بُرأوا؟

- صباحي: العدالة الانتقالية تضع ده في ذهنها، ولو جيت رئيس سأقدم مشروع العدالة الانتقالية للبرلمان.

- خيري: أفضل سؤال جاي على الهاشتاج بيقولك هتدي صوتك للسيسي.

- صباحي ضاحكًا: فيه أغنية بتقول صوتي حمدين صباحي.

- خيري يسأل عن دور الجيش

- صباحي: سأمكن الجيش الوطني ويشارك في أمن مصر ويكون طرف في حل كل المنازعات في أفريقيا وفي غيرها وبيؤدي دور وطني في حدود القانون وحريص إن الجيش يكون تدريبا وعتادا وأحافظ على جيشي يبقى أقوى جيش، والدور الاقتصادي للجيش كل الدول بتلعب دور اقتصادي في البحث العلمي والصناعات الحربية والعلمية والتكنولجية أنت مش عارفين إن الإنترنت كان في المجهود الحربي، ولما تيجي مؤسسة الجيش تعمل طريق تعمل على قاعدة ويبقى فيه تساوي.

- الجلاد: بس أحسن طرق بيعملها جيش.

- صباحي: بنتكلم على مستوى مصر والجيش يبقى على مستوى طاقته.. وأنت عاوز الجيش يستولي على الاقتصاد المصري؟ الحل إن الدولة تبقى ناجحة بكل قطاعاتها وعاوز دولة في كل أجهزتها ناجحة ومشروعات يعملها الشباب تكون ناجحة وإلا أكون داخل على تصور أن دولة تدار أحادية وبدلا من أقول الجيش مؤسسة عظيمة ودي حقيقية فأقول الدولة مؤسساتها عظيمة وأولها الجيش والجيش بيتراقب وهو لا فوق المراقبة البرلمانية وتكون له لجنة خاصة للأمن القومي، ولما أعين محافظ أسيب المتخصصين في الجامعة وعاوز قادة الجيش يكونوا في دورهم.

- الجلاد: هنسألك بس مش عاوزين نقاطعك.

- صباحي: صدري مفتوح لأي مقاطعة.

- خيري: واحدة بتسألك عن قلقها من قولك حرب في حديثك؟

- صباحي: دي حروب نبيلة لحقن الدم لما تحارب الفقر ولما تحارب الفساد.

- الجلاد: هل ستقوم بطلب تغيير المادة الخاصة بوزير الدفاع في الدستور؟

- صباحي: لن أطلب ذلك وده أمر طبيعي للمجلسس العسكري ومافيهاش عدوان على حقوق المواطنين وفيها انسجام.

- الجلاد: مش انتقاص من صلاحايت رئيس الجمهورية؟

- صباحي: انتقاص لو فيه صلاحيات نزعت منه وهو وضع انتقالي والدستور نفسه حددهم 8 سنين.

- خيري: الحديث عن هيكلة الشرطة تستفز الكثير من رجال الشرطة ما هو تصور الهيلكة؟

- صباحي: تطوير الإدارة في مصر بما فيها الداخلية، أولها عقيدة الداخلية حماي المواطن مش الحاكم، وهيكلة الداخلية طريقة في تقسيم الأدوار جوه الوزارة، يعني الست تبقى مطمنة على أولادها وعاوز احترام جاد لحقوق الإنسان وسيادة القانون من مناهج كليات وعاوز رفع الكفاءة الاحترافية للشرطة المصرية وبالذات في المعلومات وده يتحقق بجهاز كفء وبتكلم عن الداخلية في أداء دورها وكل دور مرتبط بدقة وكفاءة الحصول على المعلومات وإحنا كلنا ضد الإرهاب والشرطة توسع دائرة الاشتباه موافقين وتاخد 50 واحد لو عندها معلومات دقيقية هتقول دول 5 مشتبه فيهم وتسيب 45 لكن بلهي جهاز الشرطة.. وتمكين الشرطة يتم باحترافية ولو الضابط جمع المعلومات من غير ضرب المتهم والمعلومات التي تحتاجها الشرطة محتاجة تطوير وكفاءة وأسمي ضابط الشرطة ضحية لفشل الحكومات لما حكومة فاشلة مش عارفة تحل مشاكل عمال أو جامععة تبعت الشرطة، دي مهمة الشرطة والضابط مطحون كل يوم والضابط وفرد الشرطة بيشتغلوا كام ساعة في اليوم شيء غير آدمي.. ما أقدرش أحمل ضابط شرطة ساعات عمل دون اهتمام إنساني ويكون دخله من الدولة يكفيه، وعاوز الشعب يحضن شرطته ويؤيدها والمصالحة اللي تمت بعد 30 يونيو عاوزين نستعيدها والشرطة تبقى شريكة.. والإصلاح مش ضد العاملين في الأجهزة.. هيطهرهم من قلة فاسدة وهيديهم عوائد أدبية ومعنوية.

- خيري: جضرتك قلت إن القضاء يصلح ما فيه نفسه من أخطاء لكن الداخلية قلت هعمل كذا؟

- صباحي: أنا قلت بوضوح أنا مش هلقي مشروعي من فوق، وهما شركائي والبرلمان والمحليات هيلعبوا دور.. وخصصت القضضاء لأن الشرطة جزء من السلطة التنفيذية ولا أنتوي التدخل في أي مؤسسة وأنا اتحاسب أمام الشعب عن الكفاءات التنفيذية.

- الجلاد: أكمل ما يلي أهم ملف سأقوم بإسناده للمخابرات العامة هو .....

- صباحي: الحزام المتفجر في سوريا وليبيا وسيناء.

- خيري: أهم ملف عاوز تقراه من المخابرات.

- صباحي: ملف النيل كججزء من مشروعي وسيحكمها في إطار مؤتمر أفريقي وسأعين مفوض أعلى يمسك إدارة ملف النيل وحل مشكلة أزمة سد النهضة وضمان حق مصر في المياه.

- الجلاد: أهم ملف أسحبه من المخابرات العامة؟

- صباحي: كل نشاط سلمي يدخل فيي نشاط الأحزاب لن يتابعه وسيكون جزء مختص بالأمن الداخلي.

- خيري: مين الناس اللي هتسألهم عن الأمن القومي؟

- صباحي: مفيش.. ومؤمن بأهمية الجهاز الأمن الوطني

- الجلاد: مش هتلغيه؟

- صباحي: يتخصص في مواجهة جماعات الإرهاب والعنف ولا يواجه النشاط السياسيسي والأحزب والمجتمع المدني ويبقى فيه حدود دوره مايجيش واحد يتعين يسأله أمن الدولة وأحدد حدود نشاط هذا الجهاز.

- الجلاد وخيري يقدمان سؤالا عن هيئات التنمية.

- صباحي: عاوز حد يكون كفء وأسأل المجتمع المدني وكل الأحزاب اللي معايا ومش معايا لأنه مش هعمل حكومتي من الموالين ليا.

- خيري: هتاف يسقط حكم العسكر كان ضروي يضر بالمؤسسة العسكرية.. كلمة عسكر خطأ بالأساس.

- صباحي: هتاف ضار بالثورة واللي قالوه ماكانوش ضد الجيش وللأسف الإخوان استغلوه واتفقوا مع المجلس العسكري.. ومدلولها سلبي وعمل فجوة بين الجيش والشعب.

- الجلاد: ماذا ستفعل لو خرج إعلامي سبك على الهواء وقدم ضدك دعوى بالفساد؟

- صباحي: أبعث له رد.

- خيري: ماذا تفعل مع حلاوة روح؟

- صباحي: لا مصادرة لأي عمل.. واحترام لحق الإبداع لأن ده مخالفة للدستور.

- الجلاد: ما رأيك في فض اعتصامي رابعة والنهضة؟

- صباحي: فيه ضحايا، تم بشكل غير جيد وفي النهضة تم بطريقة كان الضحايا فيه في حدود ما يقبل بالمعايير الدولية، وفي رابعة كان غير جيد.

خيري: ماذا ستفعل مع وزير الخاجرية وتصريحه الأخير عن الزواج.

- صباحي: سأقيله.

- الجلاد: ماذا تفعل إذا خسرت.

- صباحي: سأنضم للمعارضة.

- خيري: نخرج فاصل.

عودة بعد الفاصل.

- سرد سيرة ذاتية عن صباحي وخوضه سباق الانتخابات الرئاسية الماضية، عام 2012.

- الجلاد: فقرة أسئلة سريعة عن ترشح صباحي.

- صباحي: أنا مرشح الثورة وفيه 60% فقراء وهما بالحلم والمصلحة الوطنية وفخور بإن الجانب الغالب من الشباب بيؤيدني وكان ليا الشرف في المشاركة في 25 يناير وفي 30 يونيو، والثورة ليست حكرا علي.. وكل حاجة أنا أدرتها بأقل إمكانيات من انتخابات الطلاب ولما كنت بدير مركز الإعلام العربي وأدير جريدة الكراة بملاليم وأحصل عليها كرخة وتؤدي دورها وأنا رجل الظروف الصعبة وفخور إننا تمكننا أننا في ظروف صعبة ننجح وده أحسن قانون للرئيس الجاي.

- خيري : أكبر عدد أدرته كان كام؟

- صباحي: أدرت كل طلاب مصر وأدرت حالة شعبية كفئة في دائرتي والبرلمان وفيه الأحزاب اللي شاركت فيه وأعتقد الإدارة هنا إنك تلمس إدارة الناس.

- الجلاد: يقولون إنك لن تدير ملف الأمن مثل منافسك؟

- صباحي: الأمن بمفهومه هو قضية كبرى، والأمن محتاج عقل سياسي، وكل مواجهة لقضية الأمن لا تؤدي لنتائج، وإذا اقتصرت المواجهة في الأمن على الأمنيين لا تقدم أفضل حالة وانا قادر أقدم أفضل حل.

- خيري: يقولون إن زوج شقيقتك من الإخوان ويقولون إنك تنوي المصالحة الإخوان؟

- صباحي: إحنا مختلفين سياسيا لكن مكانته في قلبي كبيرة ومش عاوز السياسية تهد الأسر والإخوان لا فضل لهم على الإطلاق في نجاحي بالانتخابات وهما ماسندونيش في أول انتخابات ومارشحوش حد ضدي، وعن نفسي كنت أفضل محمد عامر عني بناء على عينة الانتخابات، ومش بعتره نموج عام فيهم والإخوان عمرهم ما كانوا سبب في نجاحي، ولا وجود للإخوان أو تصالح حال وجودي رئيسا للجمهورية.

- الجلاد: حضرتك من عتاة الناصرية واعتذرت عما فعله عبدالناصر للإخوان؟

- صباحي: اللي عمله عبد الناصر.. لا أنا ولا غيري مش مؤمنين بالمشروع الوطني لجمال عبدالناصر اللي جسده للفقراء وماحدش يبني عدالة من غير حريات.. والفكرة تتحارب بفكرة وأنا اعتذرت عن التجاوزات اللي تمت للشيوعيين والإخوان من قوات الأمن في عهد عبد الناصر ولن أظلم أحدا إذا جئت رئيسًا.. لكن فهم الإخوان الخاطيء للديمقراطية وفهمهم للاقتصاد كشفوا أنهم مستبدين والجشع زي نظام مابكر ومفيش حاجة اتغيرت، وحربي شريفة وليست القمع عبدالناصر انتصر عليهم بتوزيع 5 فدادين ولما عمل التعليم أداة للارتقاء الاجتماعي وعبدالناصر انتصر عليهم بالإنجاز، والأمن هيقصف ظهر كل إرهابي، ومصر دلوقتي محتاجة لحلول.

- خيري: ماذا ستفعل لو سقط ضحايا في اشبتاكات بين مؤيدين ومعارضين وطالبوا برحيلك؟

- صباحي: هرحل بعد 25 يناير و30 يونيو.

- الجلاد: شراكة السيسي في سلطة وإزاي تستفيد منه؟

- صباحي: متاح وهو راجل عنده خبرة للأمن.

- الجلاد: مستشارك ألأمني مثلا؟

- صباحي: ده يرجع لرغبته.

- الجلاد: لو عرض عليك حال فوزه.

- صباحي: سأعتذر لأن دوري في الشارع وماحدش بيعنني.

- خيري: ماذا لو وجه الجيش ضدك إنذار؟

- صباحي: السؤال مالوش حل من الإعراب ومش هطلع لو الجيش أنذرني، والجيش محترف، وأنا هطلع قبل إذنار الجيش، وانا راجل طالع من الشارع وعارف يعني إيه صوت معارض بدءا من مظاهرة في الجامعة وحتى ميدان التحرير، وخليك مطمن محترمة وهي التي تحدد لي ماذا أفعل أو لا أفعل.

-الجلاد: هل ستهرب إذا وجهت قضايا ضدك حال خسارتك؟

- صباحي: أنا موجود وعمري ماهربت وكان معمول قضايا وتلفيق وماهربتشش وخدت براءة، وهذا ليس من مفردات حمدين صباحي.

- خيري: لو حكم على أحد من أفراد أسرتك.

- صباحي: أحترم القضاء.

- الجلاد: ماذا لو دعم تحالف الشرعية وأبو الفتوح وأنصاره؟

- صباحي: سؤال لا محل له من الإعراب.

- خيري: كلمة لقطر؟

- صباحي: عليها العودة لوطنها العربي.

- خيري: سوريا؟

- صباحي: أنا مع الحل السياسي.

- خيري: تركيا.

- صباحي: عليه أن يعي المصلحة بعديا عن اقتتال عربي تركي ومصر أكبر من الإخوان.

- خيري: حماس؟

- صباحي: سأقطع يد حماس إذا تدخلت ضد مصر.

- صباحي يجيب عن اتفاقية كامب ديفيد: أنا ضدها لكن هلتزم بنص الاتفاقية لكن مش هطوع للتطبيع.

- خيري: سد النهضة؟

- صباحي: حل سياسي سأدعو لقمة لدول حوض النيل وسأعين ممثلا شخصيا لرئيس الجهورية وسأربط الاتفاقية الإطارية وأدعم تصورا استراتيجيا بأن مصر تعبر عن احترامها لهذه الشعوب بقاعدة لا ضرر ولا ضرار وبمسؤلوية ومفيش نقطة مية هتضيع.

- الجلاد: نشوف أشهر شائعات ضد صباحي.

تقرير مصوّر يشير إلى ترديد البعض أن صباحي يحظى بدعم الإخوان

- صباحي: أنا مش عارف بيقولوا كده ليه أنصار المرشح المنافس وكنت بدافع عنهم ومهما مظاليم ودخلنا 40 حزب في تحالف وبعدين التقيت مع الإخوان في لحظة وتتنسى إن أنا ومحمد مرسي كان ضد بعض في الرئاسة ورفضت تأييده هو وشفيق، وكنت مستعد ندعمه إذا كان رئيس لبلد.

- الجلاد: بس أنت طالبت بمجلس رئاسي ونزلت التحرير؟

- صباحي: أنا نزلت أعترض على أحكام وأنا كنت ضد مرسي وأعلنا أنه فاقد الشرعية، والمرشح المنافس بيديله تعظيم سلام، وأيوة أنا زرت مرسي بس مرسي قال لي تعالى نائب رئيس جمهورية سأرفض وقال لي بس أنا هلعن ده فقلت له هطلع وأعلن رفضي فماتحرجش نفسك.

- الجلاد: السوشيال ميديا مليانة كلام؟

- صباحي: بقل إن إتهاماتكم باطلة ولو قعدت مرسي فده سبة أكبر لمرشحكم وأنا رفضت منصب نائب الرئيس عشان أؤدي دور عظيم مع الشعب، وعشان نطلع الموضوع برة تنافس وفيه احترام واجب للمرشح المنافس، بعض أنصار رجال مبارك وأنصار دولة الفساد والاستبداد وبعض أنصاره كانت وجوه رئيسية في سرقة مصر، والقوى الرئيسية أمام الشهر العقاري وبترتب للمؤتمرات نفس الرجالة اللي قدام.. لا كل اللي أيد مبارك فاسد ولا كل اللي أيد مرسي إرهابي.. واللي عاميمن على الوش من رجال الفساد القدام داخلين تحت حملة المرشح المنافس.

- تقرير مصوّر يشير إلى أنه صباحي بلا عمل

- صباحي: ردي واضح أنا والله صحفي وواخد البكالوريوس والماجستير في الصحافة ومارضتش أكمل الدكتوراة.. وزعندي أرض ورثتها من الحاج عبدالعاطي زي الفلاحين اللي من الطبقة الوسطى المستورين، وعندنا الجواز كان على البلح.. ولما جيت أخطب مراتي سهام نجم وهي من بورسعيد فأبويا قال مايصحش.. وبعدين اتجوزنا.. واشتغلت في الترجمة وشقينا الطريق واشتغلت مراسل لصحيفة الخليج كنت باخد 1000 دولار وأسست مع 20 شخص مركز الإعلام وفيه حساب باسم زوجتي وكويس، ولما جيت أنقل شقتي من القنطار قعدت في المهندسين وسددت تمنها، وماحناش أسرة ضخمة وأنا راجل مستور طول عمري، وتوجيه هذا السؤال واحد قال لي امبارح ده عار، وأنا رديت عليه لو سأل نفسه بدل ما يخش السجن 15 مرة كان مشي في ركب مبارك، وكنت الأول في مسابقة الإذاعة والتليفزيون وماتعينتش والدكتور خليل صابات خدني أشتغل في مركز الأهرام والأمن منعني بسبب وقوفي أمام السادات وأنا رجل متفوق في دراستي وفي الصحافة، بس خدت في المقابل إني أدعو لمصالح الناس وعلمت تراكم في المهنة وهو وزوجته بيشتغلوا وأنا راضي جدا.

- خيري: قدمت إقرار الذمة المالية؟

- صباحي: الأرض الورث اللي من الحاج والشقة اللي في المهندسين وحساب زوجتي وسيارة وعربية سكودا والشقة في التجمع والحساب أعتقد أنه 700 ألف جنيه.. وزوجتي مدبرة ومناضلة.

- صباحي يجيب عن المظاهرات وعن عقد مناظرة بينه وبين السيسي: قبل المناظرة هقول له هل توافق تدخل معايا مناظرة إذا وافق هسأله بعد كده، وأنا بطلب مناظرة وفي انتظار الإجابة إذا وافق.. وأنا داخل الانتخابات عشان أنجح.

- خيري يسأل عن العرقا وصدام حسين وعلاقته بهم.

- صباحي: كذب ولم أستلم شحنة بترول لصدام.

- الجلاد: أفراد حملتك بيهاجموا السيسي؟

- صباحي: إحنا عملنا ميثاق شرق وبقول لأي حد من حملتي يتجاوز ضد منافسي لا يمثل خط للحملة وكل مصري بيؤيدني مكسب ليها (في إشارة منه لحركة 6 أبريل).

- الجلاد: سؤال من برشامة هنقف في الضلمة لغاية ما نعمل المحطة بتاعتك؟

- صباحي: هكون مسؤول أمام المصريين، وعندي خطة في الطاقة وهنوع مصادر الطاقة وهنرفع الطاقة الشمسية وطاقة الرياح لـ16% وإحلال للغاز ونفتح للقطاع الخاص بناء مزارع للطاقة الشسية الكثيفة، وتمويل المحاطت قائم بالشراكة والاكتتاب، وربط الطاقة الشمسية من على أسطح البلكونات وتقديرنا إننا نستطيع إننا نوفر إمكانيات للطاقة.

- خيري: ناخد برنامجك إمتى عشان نناقشه؟

- صباحي: أعد إنه يكون في متناول كل المصريين على موقعنا خلال 48 ساعة.

انتهاء الحلقة بعد رد الجلاد وخيري على أسئلة مستخدمي شبكات التواصل الاجتماعي لعدم سؤالهما نفس الأسئلة للسيسي، بقولهما: «لم نجر حوارًا مع السيسي».