تيجى

تيجى نهرب م الحقيقة..

م الصور

من خبر عاجل يخض..

تيجى لا نفهم ولا نعرف

ولا نقدر نرد..

تيجى نتعلم سخافة..

بشويش كده

وصنعة لطافة..

وتبقى بياع الكنافة..

وأبقى بياع الكلام..

تيجى نتعلم ننام..

تيجى نهرب من الأحلام..

وم الأمل..

نطلّع بطاقة بدون عمل..

ونأجر عجل..

نركب جمل..

نبقى يعنى ف اللذاذة..

ولا تيجى..

يبقى ملناش عازة..

زى كل شىء جميل..

مستحيل..

دى هى كده

وملهاش بديل

تعشقها..

تيجى رجلك..

تسكن فى قلبك..

تيجى تهرب بجلدك..

تنجرح..

يوجعك قلبك بجد..

لا تقبل أى حاجة

ولا تبقى أى حد..

تيجى..