يا مصر يا مزوقة ساحرة عيون الكل.. يا حلوة يا مروقة يا أم الزهور والفل.. غيور عليك ابن نيلك لو يصيبك رمش.. لو حس بيكى الألم يسهر عينيه متنمش... بعزم يضرب على الخاين ومبيرحمش.. اللى بينعم بخيرك وفى لحظة ميقدرش.. يا مصر يا آمنة دايماً تضمينا.. لو غبنا عنك ساكنة قلوبنا وعنينا.. خيرك علينا بتدينا ما يكفينا.. لو فيه خسيس أو دخيل عايش فى وسطينا.. سمع كلام أجنبى حاول يعادينا.. لو مد شوكه يصيبه الجرح قبلينا.. الأم إدت وفا مدتشى ذرة شر.. إدت حنان ودفا ضمتنا بحر وبر.. وعلمتنا صغار نكتب حروف الجر.. م النيل روينا الشجر بلون الأمان اخضر.. وزع فى يوم الحصاد على كل واحد مر.. الجو دايما ربيع نسمة يدوب م الحر.. واللى بيرضى الشيطان على جبينه العار.. خاين لروح الوطن يعيش يموت غدار.. ثورتنا ثورة أمل وإحنا لطريقها منار.. وندعى من قلبنا عمار يا مصر عمار.