نفسى أكون لمصر رئيس نفسى ولو لزمن محدود
أفتح قلبى لكل فرد وأفتح كل طريق مسدود
آخد بإيد كل يتيم وأبنى كل بيت مهدود
أمهد كل طريق مكسور وأفرش للأحلام ورود
أحاسب نفسى قبل ما أنام وأحط إيدى لبلدى حدود
أرفع راية بلدى لفوق وأرسم علم حواليه جنود
أراعى الغلابة وأحس بيهم وأعرف إنى ليوم موعود
أقول لكل ظالم حاسب حيحاسبك إله موجود
وأعيد الفرحة نشيد لبلادى يرقص الرق ويا العود
وأبنى جامع جنب كنيسة وأسعد بطرس مع محمود
وأحميهم من أيدى خسيسة وأحفظهم من أى حسود
وآخد عبرة يا ناس من ظالم شايفه على نقالة ممدود