بطء القرار فى البلاد عجزها بزيادة.. عصر التخلف مضى عاوزين بقى قيادة.. تمسك زمام البلد ترعى مصالحها.. تؤوى الطيور المهاجرة تجيبها تصالحها.. تهتم بالتعليم.. تحطه فى مكانه.. ونشوفه زى زمان تعلى أركانه.. عاوزين نطهر بلادنا من اللى خربوها.. الغاز تصدقوا بيه والأرض سرقوها!..
اللى يسيبوا الجاسوس ويمسكوا فى الشيخ!.. يقتل ويضرب ولا يشبعش بقى توبيخ!.. كل صنوف العذاب إخوانا شربوها.. يا مصر امتى نشوف الورد فى خدودك؟.. حاضنة الهلال والصليب والخير بقى يسودك.. وما تزعليش م الخسيس أيامه هتجيبه!..
بكره هيعرف عدوه ومين بقى حبيبه.. خيرك عليهم وبترولهم بيشهد بيه.. والثورة هتطولهم وهتحط الحديد فى إيديه.. وربما يسعده الحظ برصاصة.. من بندقية شايلها جندى قناصة.. وتعود بقى للعروبة كل أمجادها.. وساعتها راح تفتخر بكل أولادها!
طالبة بالصف الثانى الإعدادى