فى بورسعيد عملوهم سندوتش.. اللى ليهم ألف وش.. الكلاب السعرانين.. نهشوا ليه فى قلوبنا نهش.. عملوا من أجسام ولادنا.. لحمة سخنة ولحمة باردة.. لحمة صالحة لكل مجرم.. قلبه خالى من المودة.. قلبهم ويا ريت نطوله.. نقطعه بسكينة باردة.. اللى خان أمه وأبوه واللى خان أخته وأخوه.. واللى خان صاحبه وحبيبه.. واوعى تانى تقول نصيبه..
لا دا غادرك اللى غادر.. خد أوامر من مصادر.. عايزة تخطف نور حياتنا.. عايزة تخطف كل زادنا.. عايزة تخطف حبنا.. عايزة تخطف نصرنا.. مش حتقدر انت واللى بيقولولك دلنا.. مش حتقدر يوم تنول من حبيبة قلبنا.. حبيتى وحبيبة حبايبى.. هى طبعا مصرنا.. عملوهم سندوتش.. اللى ليهم ألف وش!!