بلاش عصيان يفرح العدو فينا
بلاش نضيع اقتصاد بلادنا بإيدينا
قطع الطرق والسكك حرام شرعاً
فيه الخراب والظلم والضرر لينا
المظاهرات حافظوا عليها جميلة وسلمية
بلاش تخلوها فوضى ودمار بإيدينا
يندس فيها كل مأجور مستهتر
ينهب يقتل يحرق حاضرنا وماضينا
اصحوا للمكايد فى الليل بتدبر
لأجل ما تقضى على كل أمانينا
اللى نهبوا مصرنا بعد ما انكشفوا
عمرهم ما حيوصفوا دوا يداوينا
وبيحرضوا ويخططوا للانشقاق دايماً
وبيشعلوا نار فتن خطيرة بتكوينا
بلاش نطعن قلب مصرنا الغالية
بعصيان مدنى يخرب كل وادينا
شعبنا واعى وشايف كل أعدائه
وعارف مين الصديق والعدو لينا
وبلاش تخلوا يوم فرحتنا بثورتنا
ذكرى عصيان الدموع تملا مآقينا
ثورة مصرنا الغالية الكل باركها
لكن يا شباب عليكم بالصبر والهينه
شهداؤنا دمهم غالى وحقهم يرجع
بالتمام بالقضا عادل يرضيكم ويرضينا
ما تصدقوش إشاعة كاذبة تضر بوطنا
وجيشنا باسل طول عمره بيحمينا
ووعد يسلم الدفة للدولة مدنية
وهو اللى حرر تراب سينا
ولا كل ضباط الشرطة نخونهم
ومنهم شهدا أبرار كانوا بيحمونا
واحذروا من تقسيم مصرنا الغالية
وألا نضعف فى مواجهة أعادينا
ادعوا معايا يحفظ مصرنا الغالية
وتفرح بلدنا بالانتصار ونعلق الزينة
مهندس