بورسعيد يا شعب طيب معدنك طاهر أصيل
الجراح صايبة قلوبنا والوطن كله عليل
والطيور لابسة الحداد والدموع أنهار تسيل
والأسى مالى وشوشنا والوجع هز النخيل
مهما نبعت فى العزاء دا الكلام كله قليل
بورسعيد رمز الكفاح فى البطولة ماليه مثيل
فى المقاومة فى الفداء التاريخ شاهد دليل
بورسعيد يا أحلى ناس صبرنا دا شىء جميل
الحكاية مش رياضة فى السجون شيطان نزيل
دا الشر كله من طرة والفلول ليهم عميل
شلة قاعدة بس ترسم والكلاب نابها طويل
واللى حاكم من سريره زارع التربة نجيل
خلا كل الأرض شوك قال أنا اوالفوضى بديل
شلة عايزة بلدنا تسقط عايزة شعب يعيش ذليل
شلة عايزة الضلمة ترجع بس دا شىء مستحيل
مهما ريح الغدر الجبل إمتى يميل؟!
سوهاج - طهطا - عرب بخواج