فسى تعرف هما مين.. إللى تاجروا بكل دين.. إللى خلوا الكفر وصمة.. فينا وإحنا موحدين.. إللى عابوا وهما أصلا معيوبين.. إللى غابوا فى الشهادة.. وبانوا ؟؟ المتفرجين.. هما أسفل سافلين.. خوفونا من الحلال.. سموا إيمانا انحلال.. سممونا بالعقال.. سلمونا للضلال.. قلنا نصرخ حالنا مال.. شوهوا الحق بجدال.. شهدوا ضد المظلومين.. هُمّا أسفل سافلين.. شككونا فى دين أبونا.. كرهونا فى إللى نورونا.. فمن ظلامهم سكنونا.. وبسياطهم سكتونا.. سرقوا صوتنا بل ساقونا.. قلنا لأ كفرونا.. عاثوا فينا مفسدين.. هما أسفل سافلين.. إللى كايلك فلوسه بكفتين.. وإللى قايلك كل ناسك مشركين.. وإللى صورلك بلادك.. مكة قبلة المسلمين.. مش عشانك أو لاجل العالمين.. أو رسالة مرسلين.. إللى خلى الدنيا دين.. هما أسفل سافلين.. إللى نفسه يبقى ريحك.. ييجى زى ما هو عايز.. الطريق مفتوح وريحك.. رايحة جاية تجيب جوايز.. إسلامك حاضن مسيحك.. واللى كارهم كل عاجز.. جهلة وحبة محدثين.. وانتى مصر.. هما مين؟!
الشرقية- ديرب نجم