هلال وصليب.. حبيب وحبيب.. ولا نسمح يدخل بينا غريب.. يد واحدة وقلب واحد.. والتاريخ علينا شاهد.. عايشين فى حب ونخوة.. وح نفضل دايماً إخوة.. هلال وصليب!!
فاكر عام تسعتاشر.. لما ثرنا وضحينا.. فاكر يوم ستة أكتوبر.. لما حررنا سينا.. أما عام ألفين وحداشر.. فى يناير خمسة وعشرين.. أعلنا ثورتنا البيضة.. والناس تهتف بالملايين.. كلنا جامع وكنيسة.. أولاد مصر المحروسة.. يد واحدة وقلب واحد.. والتاريخ علينا شاهد.. عايشين فى حب ونخوة.. وح نفضل دايماً إخوة.. هلال وصليب!!
هلال صليب الدين لله.. وبلدنا مصر أمان للكل.. هات إيدك يلا نبنى حياة.. ونخللى الصحرا بستان فل.. أحلامنا نفسرها بإيدنا.. فى الغيط والمصنع والمينا.. ننتج ونقرب يوم عيدنا.. وبهمة نضاعف خطاوينا.. كلنا جامع وكنيسة.. أولاد مصر المحروسة.. يد واحدة وقلب واحد.. والتاريخ علينا شاهد.. عايشين فى حب ونخوة.. وح نفضل دايماً إخوة.. هلال وصليب!!
عضو جمعية المؤلفين والملحنين