مقصودة ومصنوعة.. ومدفوعة بفلوس.. وبهايم متساقة.. وطالوقة وننوس.. والشعب اللى بيحلم.. والناس اللى بتفهم.. عارفين المتلثم.. بيزق المدسوس.. والسوس اللى بياكل.. من دم المحروسة.. مش عايزين يا بلدنا.. تنزفى يا عروسة.. حرية حقيقية.. بسواعد مصرية.. دى مصيبة عالمية.. هاتدهول نفوسة!!.. وشوارع متساوبة.. من عصر الندابة.. الهانم وولادها.. والريس فى عصابة.. وولاد أم الدنيا.. سايبنهم فى الدنيا.. بتلطّش فى سماهم.. رمينهم لديابة!!.. والديب الصحراوى.. محبوس ويا الشلة.. بالضحكة السماوى.. وقصير كده قلة.. واحلفلكوا يا شبابنا.. إنكُ جوه قلوبنا.. وأهى فترة وهاتعدى.. ولا نرجع للذلة.