الكل عايز كرسى فى البرلمان
وكل حزب فى الكرسى طمعان
وحزب الفتوات اتوزع على الأحزاب
حزب المصلحة ليه مش للفقير والغلبان
مكفهمش اللى عملوه فى الشعب المسكين
جايين يعيدوا أيام زمان
قالوا الانتخابات لعبتنا وهانكسبها
فاكرين لسه إن المصرى الأصيل طرزان
لا!! دا فاهم وواعى وعارف اللى فيها
عارف الصح فين وعارف أسباب الطغيان
الناس شافت الحرية وشافت المال
لكن الحرية أحسن من الظلم والحرمان
بس إحنا لسه بناكل فى بعضينا
والهدف واحد بس الكل غرقان
على حاجات ممكن تتعالج بالقرب
بالقرب من بعضينا والخاين م لهش مكان
الحكم بالدين مش قطع رقاب بالسكين
امشى بكلام ربنا هاتعيش فى أمان
حاسب.. أنا مواطن عادى زيك
مش حزب معين ولا من الإخوان
أنا مسلم بيحب كل مصرى أصيل
المسيحى جارى حياتنا حب وحنان
الدين المعاملة مش أى كلام
دين السماحة والعفو والغفران
وبلدنا منظورة من كل جانب
الصح والغلط واضح ليه إنت حيران
حب الحق وابعد عن الحرام
هاتحب الأنانية هاتدخل فى دايرة العصيان