عايز ترجع تانى يا فل؟!.. تكسر خاطر شعب تذل.. دا أنت حقيقى بجد أنانى.. نفسك بلدك تانى تعانى.. قلبك عمره ما كان إنسانى.. قلبك مليان حقد وغل.. عايز ترجع تانى يا فل؟!.. تملا بلدنا فساد وشرور.. تدبح ثورة فى عمر زهور.. عايز تمحى شعاع النور.. علشان تكدب تانى وتضل.. عايز ترجع تانى يا فل؟!.. عايز تنهب تانى ملايين.. نفسك وطنك يبقى حزين.. دا أنت بجد حقيقى لعين.. وكل الخير جواك بيقل.. عايز ترجع تانى يا فل؟!.. خدت الفرصة وكنت تخون.. وكل ضمير وياك بيهون.. خليك قاعد كدا مدفون.. خليك قاعد كدا فى الظل.. عايز ترجع تانى يا فل؟!.. عايز ترجع تانى تضر.. تسقى بلدنا طعم المر.. كاره وطنك يصبح حر.. كاره شمس العدل تهل.. عايز ترجع تانى يا فل؟!