اطلع من حزنك
كسر كل حواجز صمتك
اعلى بنفسك
حرر حسك
ارفع راسك متوطيش
على ف صوتك
قاوم موتك
حط نهاية لكل الخوف
خطط وارسم بكرة تشوف
لما الفجر يطل علينا
تملا الشمس عيون أهالينا
تملا المية شراقى الغيط
لم ولاد الحارة وهيص
يمكن بكرة تبقى الريس!
كبر هلل اوعى تفكر ف الأحزان
تكسر نفسك تحبس رسمك فى التوهان
قاوم عجزك فجر فى النخوة وقوللى
نبدأ نبنى بلاد العزة ولازم نرضى بالأقدار
قدرى أحبك لازم أحبك
قدرى أشوفك وانتى ف حالة كل مخاض
إيه حتجيبى إيه حتكونى وانتى حكاية ف كل مخاض
حيرتينى معاك يا أمى وبتبكينى عليكى كتير
بتنسينى إنى غفير الحتة ولازم أبقى غفير