اقتلنى ألف مرة

اقتلنى تانى لو لسه قادر تدوس على الزناد!.. اقتلنى.. اقتل أخوك لو مش خايف من رب العباد!..

 دستور جديد هكتبوا بدمى، ما راح يتمسح تانى.. اقتلنى تانى وتالت ورابع.. قتلى هيحيى مليون روح مكانى.. اقتلنى ألف مرة.. قتلى ما راح يموتنى.. بل قتلى راح يحيينى ويهزمك.. ذنبك هيفضل ملازمك.. فى كل يوم وكل ساحة راح يعدمك.. اقتلنى بس روحى وعناد الميدان ما هيرحمك.. بدم بارد اقتلنى.. بدم بارد اسحلنى، وخد منى عينيا، وخد التانية هدية.. هفضل أشوفك فى أفكارى، وأشم ريحة غدرك، ولو من ألف ميل.. هتشوفنى ليل نهار فى أحلامك.. ماشى وراك زى ظلك وخيالك..

أشكرك لأن عيونى ما راح تعرف عنى البكى ولا الذل وأنت عيونك هتنتحب دم.. اقتلنى زى الجبان ولا يهمك.. دمى هيحيينى.. دمى هيحيينى ويحيى ألف روح.. اقتلنى ألف مرة.. ما راح يموتنى قتلك.. بل قتلى راح يهزمك.. اقتلنى ده قتلى رجع الكرامة للملايين بعملتك.. اقتلنى يا خسيس واتلذذ بقتلى.. ويوم الميعاد هتلذذ أنا بصرختك.. اقتلنى ألف مرة.. قتلى ما راح يموتنى.. بل قتلى راح يحيينى ويحيى ألف روح تهزمك.