بعيداً عن الأسعار وجشع التجار.. واللى مش عارف الليل من النهار.. فى بلدنا ما حدش عارف إمتى بيقف القطار.. إنت اركب وادعى يسترها الستار.. ومهما حصل إياك تنهار.. أو تدخل مع حد فى شجار.. وزى مانت عارف السياسة دهاليز وأسرار.. إنت ليه محتار؟.. فى رئاسة أو شعب ممكن تختار.. تشترى كيلو كوسة أو كيلو خيار.. وبكده بقى ليك حرية الاختيار.. بس إنت اطلع ذكى واختار رمز المسمار.. يعنى تخلى العقدة فى المنشار!..
افتح التليفزيون هتلاقى فاشل يقولك أنا مستشار.. مستشار فى إيه مش مهم؟ بس بيعرف يلبس البردعة للحمار.. ويعرف يسد جحور النمل فى الدار.. إنت فى وقت الخطر بلغ فرار.. ممكن تنتظر المتحدث الرسمى لما يقول القرار.. انخفاض ملحوظ فى أسعار الخضار.. والأجور هترتفع لما يموت الحمار.. وابقوا قابلونى يا شطار!