صحوا ضميركم صفوا النية مصر ياناس موش ناقصة أذيه
كل يوم إضراب ومطالب الفلوس خدها الحرامية
راح نعمل إيه سبحان الغالب؟ حبة صبر ياخلق شوية
كل شىء فى بلدنا انهار ولسه كمان مشوارنا طويل
بإرادة قوية وبالإصرار الأحزان تصبح مواويل
وأكيد الليل يطلعوا نهار يا شعب مصر يا شعب أصيل
حس ببلدك راعى ظروفها وبلاش تسمع أى دخيل
عايش فيها وأكيد تعرفها دا كل شىء بالصبر جميل
ونقط دمك ناقشة حروفها وفى أحضانها وراك النيل
سيدى بشر_الإسكندرية