اصحى يا وطن بسرعة وفوق.. اصحى الطوفان ما عنده هدوء.. فكر بعقلك وخدنا لفوق.. أحسن هانغرق سامعنى يا ذوق..
بينا نعوم تانى لمركب.. بينا يا مصرى نعدى الموكب.. بينا لبكرة وبينا نزق ونركب.. وننسى الأسامى.. دا سامى ودا متعب.. حريقة وشايفها.. وربك كاشفها.. يا خوفى لتمسك ف مصرى ومصرك.. ونندب حظوظنا بنغرق بنغرق..
يا طيب تدخل.. يا بابا تدخل.. يا مسلم تدخل.. يا مرقس تدخل.. يا مصرى يا خويا بسرعة تدخل.. لنبقى عراق.. ما يخلص عراك..
ونلقى بهية تنادى عيالى بتغرق.. ونارهم بتحرق بتحرق!!
مهندس
جدة - السعودية