قالولى ما تسامح

قالو لى ما تسامح.. قلت سامحونى!!..

مارحمنيش ليه إمبارح أنا واللى خلفونى.. من زمان ف بلدنا سارح هو وعصابته بيحكمونى.. ده أنا ياما شوفت سنين.. قالولى ما تسامح.. قلت ليه؟..

هو أنا كنت يوم صعبت ع البيه.. ده ياما شربنى المر بإيديه.. هو والمسؤولين!..

قالولى ما تسامح.. قلت ع الجوع!! ولا على المر اللى شربته زمان م الكوع.. ولا على صوتى اللى عمره ما كان مسموع.. ولا على إنى ما اتعاملتش زى البنى آدمين.. قالولى ما تسامح.. قلت ع الفلوس!!

ولا على البلد اللى اتباعت بأسلوب مدروس.. ولا على إنى كنت عايش ف بلدى محبوس.. ولا على عذابى مع الروتين.. قالولى ما تسامح.. قلت على دخولى المعتقل!!

ولا على إنى عمرى ما كنت بتخير وبتسأل.. ولا على أخويا اللى ف المظاهرات اتقتل.. ولا على قانون الطوارئ.. قالولى ما تسامح.. قولت على ذلتى!! ولا على الكيماوى اللى سمم أكلتى.. ولا على تزوير إرادتى وتجاهل شكوتى.. ولا على إنى ما كنتش معاك فارق.