يا شوارع يا ميادين ولى الخاين فيكى مين؟
مين المخلص فيكى حقيقى ومين الواخد بالملايين
مين معاه النية عمار ومين الشر فى قلبه دفين
مين بيرش الحزن علينا رغم الحبس وهو سجين
لسه ديولهم قاعدة بتلعب جوه جحور بسموم تعابين
اصحى يا شارع قومى يا بيوت إوعوا الفتنة بينا تفوت
لما الشعب يعيش الفرقة يلقى الحلم معاه بيموت
جوه بره فيه أشرار عايزة بلدنا ما فيها القوت
يا شوارع يا طريق مين بيضحى بدم شقيق
مين الجاى يكسر بخاطرنا ونفسه بلدنا تخش غريق
مين بيزرع خير ومحبة ومين بيلهلب فيكى حريق
إوعوا فلول الغدر تبان تنشر فوضى بألف فريق
لو جه حابل ويا النابل تبقى الثورة ماليها بريق
يا شوارع يا حارات مين البايع فيكى شعارات
مين بيفكك لينا صفوفنا ومين بيرفع صوت نعرات
يا شوارع يا مدارس جيشك صاين عهدك حارس
أحسن جند الله فى الأرض وقال دا شهيدك هو الفارس
ليه الكل صبح يتفلسف عامل نفسه بس الدارس
واللى جاى زى الحرباية وكان لكل الكدب يمارس
مين بيغازل حلم حياتنا وجايب خنجر فينا وغارس
يا شوارع يا ميادين قولى الخاين فيكى مين؟