برغم الثورة يا اخواتى، الأسعار بتزيد يا زناتى.. والحكومة خلتنى آهاتى.. غير طلبات الست مراتى.. والمستور مكشوف ده يوماتى.. على أتفه حاجة تتكلم.. وأنا واقف سامع متبلم.. ولا قادر حتى أتكلم.. ما أنا زيك مقهور ومسلمَّ!.. اللحمة فى الشهر دى مرة.. والفاكهة فى الطعم دى مرة.. خلونى أشرب م الجرة.. ومراتى بتقول أنا حرة.. سايبالك البيت أنا ماشية.. ما هى عيشة مُرة كمان قاسية.. وعمايلك جايبالى الكافية.. م الفول والعدس أنا مش ناسية.. وبقيت فى البيت أنا وحدانى.. أندب على حظى آه يانى.. وصفوا لى الشيخ الزلبانى.. يعمل لى حجاب السعدانى.. للعيشة يخليها وردانى.. والحاجة ترخص من تانى.. فتحت عينيا وودانى.. وصحيت من حلمى وأحلامى.