يا أم الدنيا.. دى الدنيا لفت بينا.. فى عز فرحنا والدنيا طايرة بينا.. وقفنا ف مطرحنا والناس بتبص علينا.. بعد ما كنا المثل والقدوة.. بقينا مش عارفين نتجمع ف سكة. متفرقين ف ميت حتة.. حيرانة ليه يا أمى.. ولفين رايحة.. كان نفسى أفرح بيك وألبسك الطرحة..
مش عارف ليه عريسك اتأخر.. واللمة صبحت فرقة بتتنطور.. والفرحة ليه راحت م الوشوش.. دا وش الصدق ولا مغشوش.. يا خوفى لا تصبح عركة.. ودا فيك يحلق وتانى عشانك بيحوش.. يا أمى خايف عليك متربصين بك أفاعى وحوش.. مستنيين اللحظة وحبايبك وسط العركة.. يستغلوا الربكة.. وكله يروح فشوش!!