انتى فاكرة إنى ضعيف.. ولا مذلول للرغيف.. من النهاردة أنا ناوى أصوم.. وفيها إيه لو أبات خفيف.. قلبى واخد على الهموم.. واللى باعلك مش شريف.. م الساعة دى مفيش مكان.. انتهى عصر الفئران.. واللى حايسيب مرة حقه.. يبقى خاين أو جبان.. والظلام الفجر شقه.. خلى نور الحق بان.. اقفى ساكتة ما تنطقيش.. انتى أصلك ماتساويش.. انتى عارفه دمى مين.. أغلى شعب وأقوى جيش.. دول نصارى ومسلمين.. والتحرير جنب العريش.. والشهيد ده ابن أمى.. دمه عايش جوه دمى.. واللى سهران على الحدود.. والوطن ده كل همى.. وإسرائيل ملهاش وجود.. وأنا وأخويا على ابن عمى.