عايز تكسب فى رمضان قصر كبير كده بالمجان
ما دخلهوش قبلك إنسان ولا شافهوش إلا الرضوان
ابدأ شهرك بالإحسان واختم شهرك بالقرآن
ورد حقوق الناس علشان يقبل توبتك الرحمن
واجرى وصالح الزعلان واوعى تقول هو الغلطان
واوعك تشهد زور لفلان ولا فى يوم تيجى ع الغلبان
واعزم صايم ولا جعان تكسب أجر فطار رمضان
وإن هتزور إنسان عيان تمسح دمعة بكل حنان
أو راح تدعى للرحمن ينصر غزة ع العدوان
تبقى صحيح إنت الكسبان وانت الفايز فى رمضان
وداخل جنة من الريان وحاجز قصرك بالمجان
عثمان بحور - الإسكندرية
osmanbehoor@yahoo.com