يا دولة الظلم سلام جه وقت الحساب.. مفيش بينا كلام فات وقت العتاب.. دوقتينى سنين آلام ف بلدى غربة وعذاب.. آن الأوان نتحاسب على إمبارح.. يا دولة الظلم جاتلك خلاص ساعة.. واتفضح المستخبى ورا مظاهرك الخداعة.. مفيش حاجة ف عمايلك تقفلك النهارده شفاعة.. ولا فى حاجة تخلينى أسامح.. يا دولة الظلم مكانك ورا القضيب.. اللى ف عهدك سكنته محبوس ف بلدى غريب.. لا كنتى ليا حبيبة ولا هبقى ليكى حبيب.. دوقى شوية أحزانى.. يا دولة الظلم يا سارقة ملايينى.. وبايعة برخص التراب أرضى وطينى.. إن كنتى زمان بظلمك حكمتينى.. فأنا النهارده غيرت عنوانى.
remozeen@hotmail.com