امسحوه من التاريخ.. اشطبوه بدلوه.. اللى جوّع واللى عذّب واللى ضيع.. يبقى ليه حتفتكروه.. قلتوا حارب فى أكتوبر.. ولازم على راسنا نشيلوه. قلتوا لا ده ماكنش ذنبه.. ده ذنب اللى بيحاوطوه ويضللوه.. طب إزاى؟.. ده ياما ضحك علينا.. بين خطابات الحزب إياه.. اللى كانوا بيزوقوه.. ليه لدلوقتى بتعذروه؟.. حاكموه.. اشنقوه.. اللى ياما رمى ف السجون.. اللى كانوا بيعارضوه.. اللى كان عايز يورثها لابنه.. وفاكرها جمهورية أبوه.. اللى لو يموت مش حازعل.. ولا حاروح وهما بيدفنوه.. ودلوقتى عايزين تسامحوه.. طب اسألوا الشهيد.. اللى هوا ونظامه موّتوه.. واسألوا أم خالد سعيد.. اللى مات من كتر ما ظباطه عذبوه.. وقال عايزين.. يسامحوه!!