ابدأ حياتك من جديد وانسى عيشة البلطجية
ورينا معدنك الأصيل وجدعنة شباب المصراوية
ارجع لأصلك الطيب وبلاش فتونة وعنجهية
مصر رجعت من تانى والفضل بعد الله للثورجية
لازم يكون لك دور وتنسى حياة العشوائية
مصر ليها حق عليك تحميها من كل الحرامية
أغلبنا ناس طيبين وأنتم عددكم أقلية
الصورة خلاص بتتغير ومصر هتبقى حاجة تانية
شارك إخواتك المصريين شارك مشاركة إيجابية
بلاش تشارك بعضلاتك شارك برأيك بديمقراطية
هى مصر مش بلدك؟ ولاَّ أنت من بلد تانية؟
أخوك المصرى اللى اتصاب ما يستهلش منك أذية
ساهم وسيب البلطجة وحط إيدك فى إيديه
هتلاقى كل الناس معاك هتلاقى وظيفة وماهية
من حقك تعيش مرتاح وتلاقى مصروف ونقدية
وممكن تقدم على قرض وتبدأ حياة سعيدة هنية
أستحلفك بالله العظيم وأناشد فيك الإنسانية
أستحلفك تحب مصر وتاخدها فى صدرك بحنية
أستحلفك بدم الشهيد اللى مات عشان الحرية
جرب تكون مواطن صالح شارك فى الصحوة المصرية
الجيزة