طول عمرنا نحب بلدنا والحب زادنا وزودنا
كنيسة تضرب أجراسها وأذان يكبر ع المدنة
طول عمرنا فى سلام وأمان عايشين بنعشق بعضينا
طول عمرنا أصحاب وجيران وأحمد مع بشرى ومينا
مع بعض صدينا العدوان شهداء فى يوم التحرير سينا
هى الرصاصة أما بتقتل سألت ح تقتل مين فينا؟
فى مرة شوفت أم رومانى بتفرش فى سجادة قطيفة
وندهت على جارهم هانى يصلى مع عمه خليفة
وقامت قوام بعد صلاتهم عملت لهم غدوة خفيفة
وفاطمة قامت عملت شاى كان سكره «وحده» نضيفة
ياللى إنتو غاويين الإشاعات إحنا اللى فينا مكفينا
طول عمرنا عايشين أخوات وحضن مصر مدفينا
مين قال لكم كان فيه خلافات أو مرة بكلامكو رضينا
خليكو إنتو فى أحوالكم وسيبونا بس لبعضينا
عضو رابطة الزجالين وكتاب الأغانى